ЯҢАЛЫКЛАР
26 майдан 26 июньгә кадәр наркотикларга каршы һәм сәламәт яшәү рәвешен популярлаштыру буенча бөтенроссия айлык узды. Барлык чаралар да 26 июньдә билгеләп үтелә торган Халыкара наркотиклар куллануга һәм аларның законсыз әйләнешенә каршы көрәш көненә багышланган.
Бөгелмәнең «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә «Наркотикларсыз тормыш» айлыгына багышланган тематик атна узды.
«Наркотикларсыз тормыш» айлыгы кысаларында Аксубай районының «Хыял» балалар һәм яшүсмерләр өчен социаль приютында «Беренчеләр хәрәкәте»нең җирле бүлеге һәм табиб-педиатр Ангелина Богушева белән очрашу оештырылды.
Югары Ослан районында гаиләгә һәм балаларга социаль ярдәм бүлекчәсе белгечләре 3 нче социаль участокта мавыктыргыч рәсем конкурсы үткәрделәр. Мәктәп яны лагеренда узган чарага төрле яшьтәге балалар җыелды. Конкурста җиңүчеләр истәлекле бүләкләр алды, ә барлык катнашучылар да активлыклары өчен бүләкләнде.
Югары Ослан өлкәннәр һәм инвалидлар интернат-йортында «Наркотикларга юк» акциясе кысаларында төрле чаралар уздырыла. Бу юлы хезмәт буенча инструктор Гөлчәчәк Карпова җитәкчелегендә социаль хезмәт алучылар тематик стена газетасы әзерләделәр. Әлеге кызыклы һәм файдалы шөгыльгә коляскада утыручы Сергей Костюков, Рәфис Шәфигуллинны да җәлеп иттеләр.
Мамадыш районы «Кайгырту» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсендә «Тәмәкесез тормыш» дигән профилактик чара узды. Дәрес тәмәке тартуга тискәре мөнәсәбәт формалаштыруга, сәламәт яшәү рәвешен пропагандалауга, бу өлкәдә белемнәрне системалаштыруга, үз сәламәтлегеңә кыйммәтле мөнәсәбәт тәрбияләүгә юнәлдерелгән.
«Наркотикларсыз тормыш» республика наркотикларга каршы айлыгы кысаларында Югары Ослан өлкәннәр һәм инвалидлар интернат-йортында күпсанлы чаралар уздырыла.
Мини-футболны популярлаштыру һәм психик тайпылышлары булган гражданнар өчен билгеләнгән интернат-йортларда яшәүче социаль хезмәт алучылар арасында актив яшәү рәвешен пропагандалау максатларында ТР Хезмәт, халыкны эш белән тәэмин итү һәм социаль яклау министрлыгы 2025 елның июнендә мини-футбол буенча ачык турнир үткәрә.
Сәламәт яшәү рәвешен формалаштыру, стационар социаль хезмәт күрсәтү учреждениеләрендә хезмәт алучыларның социаль активлыгын арттыру максатларында Министрлык республика шахмат-шашка турниры үткәрә.
27 февраль көнне Әлмәт муниципаль районының «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсендә «Балаларда һәм яшүсмерләрдә наркотиклар куллануга һәм аның белән бәйле яшәү рәвешенә һәм үз-үзеңне тотышка карата тискәре мөнәсәбәт формалаштыру» темасына индивидуаль профилактик әңгәмә үткәрелде.