ЯҢАЛЫКЛАР
Республикада, Россия Федерациясендәге кебек үк, эшкә яраклы яшьтән өлкәнрәк кешеләр саны һәм аларның гомуми санында өлеше арту тенденциясе күзәтелә.
«Демография» милли проектының «Өлкән буын» федераль проекты кысаларында Буа муниципаль районындагы «Гармония» халыкка социаль хезмәт күрсәтү комплекслы үзәгендә өлкән яшьтәге гражданнарның һәм инвалидларның ялын оештыру һәм иҗади потенциалын үстерү буенча эш дәвам итә. Моның өчен уен терапиясе актив кулланыла.
2019 елдан Зәй районында «Демография» милли проектының «Өлкән буын» проекты кысаларында авыл җирендә яшәүче 65 яшьтән өлкәнрәк гражданнарны диспансерлаштыру узу өчен үзәк район хастаханәсенә илтү гамәлгә ашырыла. Моның өчен «Шатлык» халыкка социаль хезмәт күрсәтү комплекслы үзәгенең федераль программа буенча нәкъ менә шушы максатлар өчен алынган махсуслаштырылган автомобиленнән файдаланалар.
2019 елдан Татарстан Республикасында «Демография» милли проектының «Өлкән буын» федераль проектын тормышка ашыру кысаларында өлкән яшьтәге гражданнарны һәм инвалидларны озак вакыт карау системасын булдыру буенча пилот проект гамәлгә ашырыла. Бүгенге көндә озак вакыт карау системасы Татарстанның барлык муниципаль районнарында да кертелде.