ЯҢАЛЫКЛАР

«Бергәләп булдырабыз» проектын тормышка ашыру кысаларында Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә педагог-психолог балаларны IT-өлкә һөнәрләре белән таныштыру буенча дәресләр циклы үткәрде. Чаралар хәзерге дөньяда һөнәр сайлауның кыйммәте һәм мөһимлеге, киләчәк һөнәрләре турында күзаллаулар формалаштыруга юнәлдерелгән.

Яшел Үзән һәм Яшел Үзән район мәктәпләренең 377 укучысы «Порт» яшьләр үзәгендәге уку һәм эш урыннары ярминкәсендә һөнәрләр дөньясына чумды. Яшел Үзән, Казан һәм Идел буеның 12 уку йорты вәкилләре үзләре өйрәткән һөнәрләр турында сөйләделәр.

Бөгелмә һөнәри-педагогика көллияте полигонында «Ялкын» балалар һәм яшүсмерләр өчен социаль приюты тәрбияләнүчеләре өчен һөнәри юнәлеш бирү чарасы узды. Балалар үзләре өчен яңа һөнәр белән таныштылар, аның транспорт комплексы предприятиеләрендә әйдәп баручы һөнәр булуын белделәр.

Һөнәри юнәлеш бирү эшчәнлеге кысаларында Яр Чаллы шәһәренең «Кояшкай» мөмкинлекләре чикле балалар һәм яшүсмерләр өчен тернәкләндерү үзәгендә тәрбияләнүчеләр өчен балалар китапханәсенә экскурсия оештырылды.

Бүген Арчаның «Өмет чаткысы» мөмкинлекләре чикле балалар һәм яшүсмерләр өчен тернәкләндерү үзәгендә тәрбияләнүчеләр «Тылсым» ресторанында ресторан эше белән таныштылар. Чара һөнәри юнәлеш бирү һәм «Абилимпикс» һөнәри осталык конкурсына әзерлек максатларында оештырылды.

29 мартта һөнәри юнәлеш бирү эшен оештыру кысаларында «Шатлык» халыкка социаль хезмәт күрсәтү комплекслы үзәгенең балигъ булмаган социаль хезмәт алучыларының Зәй политехник көллиятенә экскурсиясе булды.

Яр Чаллы шәһәренең «Россия эше» кадрлар үзәге каршындагы «Уңышлы хатын-кызның стратегиясе һәм тактикасы» проектын тормышка ашыру кысаларында 29 мартта «Асылташ» балалар һәм яшүсмерләр өчен социаль приютында тәрбияләнүчеләр өчен кулинария мастер-классы узды.

Түбән Кама районының «Балкыш» социаль приюты буенча экскурсия кысаларында балигъ булмаган социаль хезмәтләр алучылар үзләре тирәсендәге һөнәрләр белән таныштылар.

22 мартта Тукай районы халыкны эш белән тәэмин итү үзәгенең профконсультантлары «Бердәм Россия» белән минем карьерам» проектын гамәлгә ашыру кысаларында һөнәри юнәлеш бирү чарасы үткәрделәр. Белгечләр Наталья Биткова, Эльвира Саматова, Илүзә Харрасова һәм Эльвира Гәрәева Советлар Союзы Герое Н. Х. Шәрипов исемендәге Теләнче-Тамак урта гомуми белем бирү мәктәбендә булдылар, анда 8 һәм 10 сыйныф укучылары белән аралаштылар.

22 мартта Яр Чаллы шәһәренең 68 нче махсус коррекцион гомуми белем бирү мәктәбе территориясендә «Навигатор» һөнәри юнәлеш бирү проектын тормышка ашыруның яңа этабы тәкъдир ителде – «Велосипед остаханәсе» юнәлеше буенча юл хәрәкәте куркынычсызлыгы кабинетын ачу. Проектның төп максаты – коррекцион мәктәпләр укучыларын эшче һөнәрләре белән таныштыру.