ЯҢАЛЫКЛАР

Беренче «Россия эше. Мөмкинлекләр вакыты» Бөтенроссия эшкә урнаштыру ярминкәсенең төбәк этабы 14 һәм 15 апрельдә Татарстанның барлык шәһәрләрендә узачак.

Шушы көннәрдә Әгерҗе районының «Наз» балалар һәм яшүсмерләр өчен социаль приютында балалар уен иҗаты фестивале узды. Музыка астында балалар язгы җырлар җырладылар, шигырьләр укыдылар һәм биюләр башкардылар.

14 апрельдә Яр Чаллы шәһәрендә, гомумән республика буенча кебек үк, «Россия эше. Мөмкинлекләр вакыты» Бөтенроссия эшкә урнашу ярминкәсенең беренче этабы старт ала. Ярминкәнең төп максаты икътисад өчен өстенлекле предприятиеләрнең кадрлар ихтыяҗын тәэмин итү генә түгел, ә карьера траекторияләрен төзү һәм перспективалы һөнәрләр турында мәгълүмат бирү.

«Демография» милли проектының «Өлкән буын» федераль проекты кысаларында Буа районының «Гармония» халыкка социаль хезмәт күрсәтү комплекслы үзәгендә аз хәрәкәтләнүче өлкән яшьтәге гражданнарның һәм инвалидларның ялын оештыру һәм иҗади потенциалын уен терапиясе ярдәмендә тормышка ашыру буенча эш дәвам итә.

Мамадыш районы «Кайгырту» халыкка социаль хезмәт күрсәтү комплекслы үзәгенең көндезге тору бүлегенең 12 социаль хезмәт алучысы «Паркта йөрү» чарасында катнашты. Чара парк ретриты технологиясе ярдәмендә өлкән яшьтәгеләрнең һәм психик тайпылышлы инвалидларның психоэмоциональ халәтен, тормыш сыйфатын яхшыртуга юнәлдерелгән.

Булган шәхси ресурсларны аңлауга, сәламәт яшәү стилен формалаштыруга юнәлдерелгән эш кысаларында Казан шәһәренең Яңа Савин районындагы гаиләгә һәм балаларга социаль ярдәм бүлеге психологы «Иртәдән үк яхшы кәефтә» дигән төркемле дәрес үткәрде.

5 апрельдә Алабуганың «Астра» мөмкинлекләре чикле балалар һәм яшүсмерләр өчен тернәкләндерү үзәге хезмәткәрләре һәм тәрбияләнүчеләре махсус хәрби операциядә катнашучы Тимур Савосин белән очраштылар. Патриотик әңгәмә үткәрелде, аның барышында балалар күп кызыклы һәм файдалы нәрсәләр белделәр. Кунак корал белән ничек эш итәргә, катлаулы ситуацияләрдә ничек исән калырга, яраланганда үзеңне ничек тотарга һәм сугышчыларның гомерләрен саклап калырга кирәклеге турында сөйләде.

Арчаның «Өмет чаткысы» мөмкинлекләре чикле балалар һәм яшүсмерләр өчен тернәкләндерү үзәге белгечләре үзләренең профессиональлеген арттыру өстендә эшлиләр һәм яңа эш ысулларын кертәләр. Мәсәлән, 1 апрельдә мастер-класс үткәрү өчен учреждениегә педагог-психолог, балалар һәм өлкәннәр нейропсихологы, физик культура укытучысы Олег Артамонов чакырылган иде. 

Татарстан Республикасы Дәүләт Советы депутатлары социаль учреждениеләрнең ихтыяҗлары белән даими кызыксыналар, һәрвакыт кирәкле ярдәм күрсәтергә әзер. 

Чирмешән муниципаль районының «Игелекле йөрәк» халыкка социаль хезмәт күрсәтү комплекслы үзәге белгечләре профилактика төркемнәре составында 80 яшьтән өлкәнрәк ялгыз һәм ялгыз яшәүче гражданнарны өйдә (фатир буенча) әйләнеп чыгалар.