ЯҢАЛЫКЛАР

Ютазы районының «Гармония» халыкка социаль хезмәт күрсәтү комплекслы үзәгендә махсус хәрби операциядә катнашучыларның 12 анасы өйдә социаль хезмәтләр ала. Аларга аерым игътибар бирелә.

17 сентябрьдән 29 сентябрьгә кадәр «Һөнәре буенча иң яхшы» Бөтенроссия һөнәри осталык конкурсының «Икенче старт» махсус номинациясендә федераль этап катнашучылары өчен халык тавыш бирүе уза.

Яр Чаллыда «Ышаныч» халыкка социаль хезмәт күрсәтү комплекслы үзәге психологы Надежда Горячева көндезге тору бүлеге карамагындагылар өчен яңа дөнья – хуш исләр һәм тере үсемлекләр дөньясын ачты. Ароматерапиянең төп максаты – тирән хатирәләр уяту һәм эмоциональ бәйләнешләр тудыру.

Арча районының «Өмет чаткысы» мөмкинлекләре чикләнгән балалар һәм яшүсмерләр өчен тернәкләндерү үзәгендә социаль педагог Филсинә Гарәфиева «Спорт дөньясында» дигән ачык чара үткәрде.

Югары Ослан өлкәннәр һәм инвалидлар интернат-йортында социаль хезмәтләр алучылар Иннополиста экскурсиядә булдылар. Аларга университет, технопарк, спорт клубын күрсәттеләр.

Алабуга районының «Астра» мөмкинлекләре чикләнгән балалар һәм яшүсмерләр өчен тернәкләндерү үзәге директоры Галина Калашникова Казан, Әлмәт һәм Яшел Үзәннең балалар һәм өлкәннәр тернәкләндерү үзәкләрендәге хезмәттәшләре белән VIII «Тернәкләндерү – XXI гасыр: традицияләр һәм инновацияләр» Милли конгрессында катнашалар. Чара Санкт-Петербургта уза.

«Һөнәре буенча иң яхшы» Бөтенроссия һөнәри осталык конкурсының федераль этабы тәмамланды. Казан конкурста «Радиоэлектрон аппаратура монтажчысы» номинациясендә катнашучыларны кабул итте. Чаралар Казан радиомеханика көллияте базасында узды.

Татарстанда өлкән буын кешеләренең ялын уздыруга зур игътибар бирелә. Республика өлкәннәрне спорт һәм ял итү чараларына актив җәлеп итә, шулай ук мәдәни кыйммәтләргә дә тарта.

Идел буе федераль округының «Менталь сәламәтлек» проектын һәм «Экологик иминлек» милли проектын гамәлгә ашыру кысаларында Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең көндезге тору бүлеге социаль хезмәтләрен алучылар өчен экологик культура һәм табигатькә сакчыл караш формалаштыруга юнәлдерелгән чара үткәрде.

Алабуга районының «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендә «Безнең тирәдә һөнәрләр» комплекслы һөнәри юнәлеш бирү программасын гамәлгә ашыруны дәвам итеп, сәламәт туклануны пропагандалауга, төрле ризыклар әзерләүдә иҗади һәм һөнәри күнекмәләрне үстерүгә юнәлдерелгән чираттагы кулинар тамаша узды.