Гаилә альбомын карап…
«Гаилә альбомы» – Югары Осланның өлкәннәр һәм инвалидлар интернат-йортында иң хөрмәтле яшәүче, тыл хезмәтчәне Лариса Отставнованың 94 еллыгына багышланган чараны шулай дип атадылар.
Очрашуның төп героинясы социаль хезмәтләр алучылар игътибарына үзенең гаилә фотоархивын тәкъдим итте. Саргаеп беткән фотоларда үзенә якын кешеләр турында истәлекләр җыелган халык арасында җылы хисләр уятты. Күпләр үз тормышларын, кичерешләрен һәм өметләрен искә төшерде. «Хатирәләр терапиясе» технологиясе кысаларында мондый чараларны учреждениедә даими үткәрәләр, аларның төп геройлары үзләренең гаилә фотоальбомнарын күрсәтәләр, кичерешләре турында сөйлиләр.
Белгеч Екатерина Машина сүзләренчә, мондый очрашулар өлкән яшьтәге социаль хезмәт алучыларның психологик сәламәтлеген саклауда мөһим роль уйный, аларны тынычландыра, коммуникатив күнекмәләрне үстерә, тормышның юкка гына узмаганын тоярга ярдәм итә.