ЯҢАЛЫКЛАР
23–25 сентябрьдә Санкт-Петербургта VIII «Тернәкләндерү – XXI гасыр: традицияләр һәм инновацияләр» милли конгрессы уза.
22 сентябрьдә «Мин – тылсымчы!» конкурсына йомгак ясалды. Бәйгене ел саен Әлмәт муниципаль районының халыкны социаль яклау идарәсе ярдәмендә «Постройка+» журналы җитәкчесе Марина Власова оештыра.
Лениногорск районының «Исток-Башлангыч» халыкка социаль хезмәт күрсәтү комплекслы үзәге профсоюз оешмасы хезмәткәрләр һәм аларның балалары өчен кызыклы спорт чарасы уздырды. Очрашуның төп бурычы – учреждение хезмәткәрләренең гаиләләре арасында команда рухын ныгыту һәм сәламәт яшәү рәвешен популярлаштыру.
Минзәлә һәм Зәй «Өлкән яшьтәге гражданнарга хезмәт күрсәтү графигын формалаштырудан алып социаль хезмәт күрсәтүнең индивидуаль программасын үтәүгә кадәр чикләрдә өйдә хезмәт күрсәтүне тәэмин итү өчен эшләрне оештыру» тартмалы чишелешен кертү буенча федераль проектны гамәлгә ашыруда катнашалар.
Түбән Кама районының «Балкыш» балалар һәм яшүсмерләр өчен социаль приютының өлкән төркемнәре Әхсән Фәтхетдинов музеенда булып, туган як сәнгате һәм тарихы дөньясына мавыктыргыч сәяхәт ясадылар. Экскурсия патриотик тәрбия программасының бер өлеше булды.
Лениногорск районының «Исток-Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре менталь тайпылышлары булган кешеләр өчен иҗат остаханәсендә чираттагы дәрес үткәрделәр. Чара катнашучыларның иҗади сәләтләрен үстерүгә һәм социаль адаптацияләүгә юнәлдерелгән иде.
Балтач районында Зәкия Зарипова 95 яшьлек юбилеен билгеләп үтте. Юбилярга Россия Федерациясе Президенты Владимир Путин исеменнән шәхси котлау хаты, Балтач муниципаль районы, авыл җирлеге, социаль яклау бүлеге башлыгы исеменнән рәхмәт хаты һәм кыйммәтле бүләкләр тапшырылды.
Яшел Үзән шәһәренең «Ышаныч» мөмкинлекләре чикләнгән балалар һәм яшүсмерләр өчен тернәкләндерү үзәгенең «Светлячок» инклюзив театр студиясе III «Кояш һәркемдә» республика иҗат фестиваленең гала-концертында катнашты. Ул Казанда узды.
Татарстан Республикасы Хезмәт, халыкны эш белән тәэмин итү һәм социаль яклау министрлыгы 2025 елның 1 сентябреннән 30 сентябренә кадәр техник сәбәпләр аркасында Казанның Киров һәм Мәскәү районнарында яшәүче аерым бюджет тармаклары хезмәткәрләрен һәм пенсионерларны шифаханә-курорт дәвалану (шифаханә-курорт дәвалануга юлламалар һәм шифаханә-курорт дәвалануга электрон сертификатлар) мәсьәләләре буенча кабул итү Министрлыкта гамәлгә ашырылачагы турында хәбәр итә (Казан шәһәре, Волгоград ур., 47 йорт, 101 нче каб.).
Югары Ослан өлкәннәр һәм инвалидлар интернат-йортының социаль хезмәт алучылары юкә аллеясына экскурсиягә барды. Аларны озата барган Наталья Котова сөйләгәннәрдән алар революциягә кадәр биредә маркиза Паулуччи утары булганлыгын беләләр. Өй юкә, имән, өрәңге һәм каен аллеялары уртасында тора. Интернат-йортта яшәүчеләр күптән үткән чор тормышыннан бик күп кызыклы нәрсәләр белделәр.