ЯҢАЛЫКЛАР

Татарстан Республикасы Хезмәт, халыкны эш белән тәэмин итү һәм социаль яклау министрлыгы балигъ булмаганнарга карата мәрхәмәтсез мөгамәләне профилактикалау өлкәсендәге алдынгы тәҗрибәне ачыклау һәм гомумиләштерү максатында ведомство карамагындагы оешмалар арасында балигъ булмаганнарга карата мәрхәмәтсез мөгамәләне һәм көч куллануны профилактикалау буенча социаль-тернәкләндерү эшен иң яхшы оештыруга социаль программалар конкурсы үткәрәчәк.

«Тәтеш балкышы» халыкка социаль хезмәт күрсәтү комплекслы үзәгенең көндезге тору төркеменә йөрүче яшьләр өчен хезмәт белән тернәкләндерү кабинетында дәрес оештырдылар. Хезмәт белән тернәкләндерү юнәлешләренең берсе – бакчачылык эшләренә өйрәтү.

15 марттан 30 апрельгә кадәр 2025 елда төзекләндерү планлаштырылган иҗтимагый киңлекләрне сайлау буенча онлайн тавыш бирү уза. Гражданнарны проектны гамәлгә ашыруга җәлеп итү һәм программаны планлаштырганда халыкның фикерен исәпкә алу «Уңайлы шәһәр мохитен формалаштыру» федераль программасын гамәлгә ашыруның иң мөһим күрсәткечләренең берсе булып тора.

13 апрельдә Түбән Камада СИБУРның «Яхшы эшләр формуласы» социаль инвестицияләр программасының «Син барысын да булдыра аласың!» проектының икенче мотивацион очрашуы узачак.

Туган тел традицияләрен торгызу һәм талантлы балаларны ачыклау максатыннан Татарстан Республикасы Хезмәт, халыкны эш белән тәэмин итү һәм социаль яклау министрлыгы балалар һәм яшүсмерләр өчен социаль приютларда тәрбияләнүчеләр арасында «Туган тел» шигырь укучылар конкурсы үткәрә.

Сәламәт яшәү рәвешен формалаштыру, социаль хезмәт күрсәтү учреждениеләрендә хезмәт алучыларның социаль активлыгын арттыру максатыннан Министрлык республика шахмат-шашка турниры уздыра.

Гаилә елы кысаларында Лаеш шәһәренең «Белогорье» яшьләр үзәгендә Йөкле хатын-кызлар көнен үткәрделәр.

Азнакай өлкәннәр һәм инвалидлар өчен интернат-йортында Россиядә Гаилә елын ачу тантанасы булды. Традицион гаилә кыйммәтләрен саклап калу максатыннан, Әлмәт шәһәренең хатын-кызлар клубы һәм «Ангел» социаль-психологик үзәге волонтерлары «Гаилә – бөек могҗиза» исемле хәйрия концерты үткәрделәр.

9 апрельдә Казандагы «Апрель» мөмкинлекләре чикле балалар һәм яшүсмерләр өчен тернәкләндерү үзәгендә стажировка мәйданчыгы эшли башлады. Чарага Татарстанның төрле почмакларыннан социаль учреждениеләр вәкилләре җыелды. Очрашуның төп темасы социаль хезмәт күрсәтү өлкәсендә иң актуаль һәм күпкырлы темаларның берсе – иртә ярдәм булды.

Лениногорск районының «Исток–Башлангыч» халыкка социаль хезмәт күрсәтү комплекслы үзәге белгечләре стажировка мәйданчыгының чираттагы утырышын үткәрде. «Биеклек» яшьләр үзәге базасында комплекслы үзәкләр вәкилләре җыелды. «Кабат хокук бозуларны профилактикалау. Үз составында ирегеннән мәхрүм итү белән бәйле булмаган җәза чараларына хөкем ителгән балигъ булмаган балалары булган гаиләләр белән эшләү» темасы буенча фикер алыштылар.