ЯҢАЛЫКЛАР

Татарстанда махсус хәрби операциядә катнашучыларны эшкә урнаштыруда ярдәм итү өчен кайнар линия эшли. Атна саен бу линиягә 7-8 мөрәҗәгать килә. Аларның 80 % якыны белем алу һәм яңа күнекмәләр алу мәсьәләләре белән бәйле. Бу хакта махсус хәрби операциядә катнашучылар арасында «Абилимпикс» һөнәри осталык буенча чемпионатка багышланган матбугат конференциясендә ТР хезмәт, халыкны эш белән тәэмин итү һәм социаль яклау министры урынбасары Клара Таҗетдинова сөйләде. Ярышлар Казанда 25–29 июльдә узачак.

Татарстан эш бирүчеләре «Россиядә эш» платформасында 53 005 вакансия урнаштырган.

13 июльдә Бөгелмәнең «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә «Тынычлык фәрештәләре» төбәк иҗтимагый оешмасы катнашучылары «Бәхеткә дага» дигән мастер-класс үткәрделәр.

Яшел Үзән шәһәренең «Ышаныч» мөмкинлекләре чикләнгән балалар һәм яшүсмерләр өчен тернәкләндерү үзәге «Татарстан Республикасының иң яхшы товарлары һәм хезмәтләре» конкурсында «Халык өчен хезмәтләр» номинациясендә җиңүче булды. Учреждение «Аутистик спектр тайпылышы һәм башка менталь тайпылышлары булган балалар өчен көндезге тору төркеме» социаль-педагогик хезмәтен күрсәтте.

Менделеевск районындагы «Кама таңнары» балалар һәм яшүсмерләр өчен социаль приютының мәктәпкәчә төркемендә «Цирк аренасы» темасына төзелеш материалыннан конструкцияләр ясау буенча интеграцияләнгән дәрес узды.

Куркынычсызлыкны көчәйтү максатыннан Алабуга районында «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендә пилотсыз очкыч һөҗүме вакытында гамәлләрне эшләп карау максатыннан укыту-күнекмә эвакуациясе узды. Чарада балалар һәм үзәк хезмәткәрләре катнашты.

Әлмәт шәһәренең «Ветеран» инвалидларны тернәкләндерү үзәге табиблары социаль хезмәт алучыларга профилактик лекция укыдылар.

2025 елның 16 сентябрендә 10:30 сәгатьтә X Бөтенроссия хезмәтне саклау атналыгы кысаларында «Хезмәтне саклау һәм эштә куркынычсызлык – 2025» бөтенроссия тестлаштыру узачак. Чара киң җәмәгатьчелекнең игътибарын хезмәтне саклау мәсьәләләренә җәлеп итү, имин тәртип культурасын һәм хезмәтне саклау таләпләрен үтәүгә җаваплы мөнәсәбәтне популярлаштыру, шулай ук гражданнарның хезмәтне саклау өлкәсендәге хәбәрдарлык дәрәҗәсе турында объектив мәгълүмат алу максатларында үткәрелә.

11 июльдә Казанның «Кояшлы» мөмкинлекләре чикләнгән балалар һәм яшүсмерләр өчен тернәкләндерү үзәгендә «Беренчеләр хәрәкәте» гранты ярдәмендә оештырылган «Без беренче – без бергә» җәйге интенсивының өченче сменасының йомгаклау көне булды. Чара Гаилә, мәхәббәт һәм тугрылык көненә багышланган иде.

Бүген Татарстан Республикасының оборона-сәнәгать комплексы предприятиеләрен кадрлар белән тәэмин итү мәсьәләсе буенча киңәшмә узды. Чара «Кадрлар» илкүләм проектын гамәлгә ашыру кысаларында оештырылды.