ЯҢАЛЫКЛАР

Аксубай районының «Хыял» балалар һәм яшүсмерләр социаль приютыннан «Импульс» отрядына кергән яшь волонтерлар үз вакытларын игелекле эшкә багышладылар. Балалар бик теләп чишмәне тәртипкә китерергә тотындылар.

14 июльдә кич белән опека һәм попечительлек начальнигы, халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге мөдире, янгын сүндерү бүлеге хезмәткәре, балигъ булмаганнарны спиртлы эчемлекләр, тәмәке продукциясе куллануга, җәмгыятькә каршы эшчәнлеккә җәлеп итү фактларын булдырмау максатыннан, яшьләрнең күпләп ял итү урыннарында, паркларда, урамнарда булдылар.

Түбән Кама районының «Балкыш» балалар һәм яшүсмерләр өчен социаль приютында һөнәри юнәлеш бирү кысаларында гаҗәеп кеше – торакны сатуга яки арендага бирүгә әзерләүче белгеч белән очрашу булды. Белгеч һөнәр серләре белән уртаклашып кына калмыйча, балаларны уңайлы һәм функциональ шәхси киңлек булдыруга рухландырды.

«Гаилә» илкүләм проекты кысаларында тормышка ашырыла торган «Актив озын гомерлелек» программасы буенча Җәлил өлкәннәр һәм инвалидлар интернат-йортында яшәүчеләр Сарман авылындагы Бөек Ватан сугышы һәм туган якны өйрәнү музеенда булдылар. Фондны саклаучы экспонатлар тарихын сөйләде.

Бөтенроссия гаилә мәнфәгатьләрен яклау мәсьәләләре буенча хокукый ярдәм атналыгы кысаларында Әлмәт районының «Опека» халыкка социаль хезмәт күрсәтү комплекслы үзәге базасында гаиләне яклау мәсьәләләре буенча түгәрәк өстәл уздырылды.

14 июльдә «Татнефть» ГАҖ «Игелек энергиясе» социаль инициативалар конкурсында җиңгән «Созидание 2+2» инклюзив остаханәсе» проектын гамәлгә ашыру кысаларында Бөгелмәдә мөмкинлекләре чикләнгән балалар һәм яшүсмерләр өчен «Яңарыш» тернәкләндерү үзәгендә чүлмәкчелек буенча мастер-класс узды.

Менделеевск районының «Кама таңнары» балалар һәм яшүсмерләр социаль приютында тәрбияләнүчеләр 14 июльдә «Борынгы әйберләр тарихы» музей дәресендә булдылар. Чараны шәһәр музееның өлкән фәнни хезмәткәре Алина Гусева үткәрде.

Менделеевск районының «Кама таңнары» балалар һәм яшүсмерләр өчен социаль приютында тәрбияләнүчеләрнең янгын куркынычсызлыгы кагыйдәләре буенча белемнәрен ныгыту, үз гомерләре өчен җаваплылык хисе тәрбияләү максатында профилактик чара үткәрелде. Балалар ребуслар, табышмаклар чиштеләр, уен программасы темасына листовкалар ясадылар, уеннарда һәм конкурсларда актив катнаштылар.

Татарстан Республикасы Хезмәт, халыкны эш белән тәэмин итү һәм социаль яклау министрлыгы дәүләт идарәсе, җирле үзидарә органнары, контроль-күзәтчелек, хокук саклау һәм салым органнары белән берлектә хезмәткәрләрнең хезмәтенә вакытында һәм тулысынча түләү өлешендә хезмәт хокукларын үтәүне тәэмин итү эшен дәвам итә.

2025 елда юбилей X Бөтенроссия хезмәтне саклау атнасы 15–18 сентябрьдә «Сириус» университетында узачак.