Ютазы районында Ватанны саклаучы белән очрашу оештырылды

Ютазы районындагы «Гармония» халыкка социаль хезмәт күрсәтү комплекслы үзәге карамагындагылар һәм яшь армиячеләр махсус хәрби операция зонасында хәрби бурычлар үтәүче сугышчы-якташлары белән очраштылар.

Кунак балалар белән үзенең мәктәп еллары турындагы хатирәләре белән уртаклашты, спорт чыныгуының киләчәк тормышында һәм хезмәтендә ничек ярдәм итүе, дуслыкның һәм үзара ярдәмләшүнең кыйммәте, Ватанны саклауның мөһимлеге турында сөйләде һәм сорауларга җавап бирде. Әңгәмә аның иптәшләренең шәхси тарихлары һәм чын батырлык үрнәкләре белән тулы иде.

Очрашу баскетбол буенча уртак тренировка белән тәмамланды.