ЯҢАЛЫКЛАР

Бүген Татарстан Республикасы Хезмәт, халыкны эш белән тәэмин итү һәм социаль яклау министрлыгында «Батырлар. Татарстан Геройлары» республика программасында катнашучы белән очрашу узды.

Өлкән яшьтәге гражданнарны һәм инвалидларны озак вакытлы карау системасы кысаларында, шулай ук «Актив озын гомерлелек» программасын гамәлгә ашыру кысаларында Балтач районының «Наз» халыкка социаль хезмәт күрсәтү комплекслы үзәге социаль хезмәткәрләре үз эшләрендә өлкән кешенең актив гомерен озайтуга ярдәм итә торган төрле технологияләр кулланалар.

«Созидание 2+2» инклюзив остаханәсе» проекты кысаларында Бөгелмә районының «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәге хезмәткәрләре һәм тәрбияләнүчеләре «Добро.Центр» волонтерлары оешмасының «көмеш» волонтерлары һәм медицина училищесы студентлары белән берлектә киез итек басу буенча мастер-класста актив катнаштылар.

Татарстан Республикасы Хезмәт, халыкны эш белән тәэмин итү һәм социаль яклау министрлыгы Социаль-хезмәт мөнәсәбәтләрен җайга салу буенча өчьяклы республика комиссиясе каршындагы Хезмәт өчен түләү, халыкның керемнәре һәм тормыш дәрәҗәсе буенча координация советы утырышын уздырды. Чара IZUM-конференция режимында узды.

22 июльдә Түбән Кама районының «Шәфкать» халыкны социаль тәэмин итү комплекслы үзәгенең гаиләгә һәм балаларга социаль ярдәм бүлекчәсендә социаль хезмәт алучыларның Түбән Кама шәһәренең халыкны эш белән тәэмин итү үзәгенең эш белән тәэмин итүчеләргә хезмәт күрсәтү бүлеге мөдире Екатерина Гарифуллина белән нәтиҗәле очрашуы булып узды.

22 июльдә «Бөтенроссия ирекле янгын сүндерү җәмгыяте» Татарстан республика бүлекчәсенең Әлмәт бүлегенең Зәй участогы яңа белем бирү инструментын – балалар өчен махсус эшләнгән беренче мобиль укыту комплексын тәкъдир итте.

Балтач районында «Наз» халыкка социаль хезмәт күрсәтү комплекслы үзәгенең өйдә социаль хезмәтләр алучы Рафисә Гыйззәтуллина 95 яшьлек юбилеен билгеләп үтте. Юбилярга Россия Федерациясе Президенты Владимир Путин исеменнән шәхси котлау, шулай ук Балтач муниципаль районы, авыл җирлеге, социаль яклау бүлеге, соңгы эш урыны исеменнән рәхмәт хаты һәм кыйммәтле бүләкләр тапшырылды.

Ел саен 80 яшьтән өлкәнрәк ялгыз яшәүче гражданнарны карап чыгу кысаларында эшче төркем Тукай районының Иске Дюш авыл җирлеге территориясендә гражданнарны карап чыкты. Эшче төркем составына «Шәфкать» халыкка социаль хезмәт күрсәтү комплекслы үзәгенең социаль эш буенча белгече, гадәттән тыш хәлләр министрлыгының территориаль хезмәте, газ хезмәте хезмәткәрләре керде.

Чистайның «Юлдаш» өлкәннәр һәм инвалидлар интернат-йорты белгечләре Марина Чапалова һәм Ирина Баранова социаль хезмәтләр алучылар өчен шифалы үләннәр артыннан экологик агарту экскурсиясе оештырдылар.

Югары Ослан өлкәннәр һәм инвалидлар интернат-йортында социаль туризм программасы кысаларында районның тарихи урыннарына экскурсия оештырылды.