«Юлдаш» интернат-йортында стажировка мәйданчыгы оештырылды
Чистайның «Юлдаш» өлкәннәр һәм инвалидлар интернат-йортында Татарстан Республикасы социаль хезмәт күрсәтү учреждениеләре җитәкчеләре һәм белгечләре өчен чираттагы стажировка мәйданчыгы узды.
Тәҗрибә уртаклашу өчен Азнакай, Баулы, Буа, Югары Ослан өлкәннәр һәм инвалидлар интернат-йортларыннан, шулай ук психик тайпылышлары булган гражданнар өчен билгеләнгән Чистай интернат-йортыннан коллегалар килде.
Очрашу барышында психолог Марина Чапалова деменция белән интегүче өлкәннәргә стационар учреждение шартларында психологик ярдәм күрсәтү турында сөйләде. Ул кунакларны диагностика инструментарийлары, үткәрелүче дәресләр һәм тренинглар белән таныштырды, «Снузлин» җиһазын кулланып сенсор бүлмәдә эшләү тәҗрибәсе белән уртаклашты.
Чара тәмамлангач, учреждение буйлап экскурсия үткәрелде. Коллегалар дәресләр үткәрү кабинетларында, актлар залында, социаль-көнкүреш тернәкләндерү бүлмәсендә, музейда, кышкы бакчада һәм тренажер залында булдылар.
Интернат-йорт карамагындагылар тарафыннан махсус хәрби операция зонасына блиндаж шәмнәре ясау өчен калай банкалар әзерләү процессына аерым игътибар бирелде.
Барлык катнашучылар да стажировка узу турында сертификатлар алдылар.