ЯҢАЛЫКЛАР

Әлмәт районында «Ата-аналар кунак бүлмәсе» проекты кысаларында «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе психологы авыр тормыш хәлендә калган ата-аналарга профилактик консультация үткәрде.

«Ата-аналар кунак бүлмәсе» программасы кысаларында Аксубай районының «Хыял» балалар һәм яшүсмерләр өчен социаль приютында ата-аналар көне узды. Чарада Әлмәт районындагы «Опека» халыкка социаль хезмәт күрсәтү комплекслы үзәгенең социаль хезмәтләрен алучы ана катнашты. Яшүсмергә ничек мөстәкыйль булырга ярдәм итү турында сөйләштеләр.

15–18 сентябрьдә «Сириус» университеты X Бөтенроссия хезмәтне саклау атнасын кабул итәчәк. Быел «Халыкны саклау – тотрыклы үсеш гарантиясе» темасына багышланган форум гадәттәгечә барлык кызыксынган белгечләр өчен үз ишекләрен ача. Бөтенроссия хезмәтне саклау атнасын оештыручы – Россия Федерациясе Хезмәт һәм социаль яклау министрлыгы, оператор – Росконгресс фонды.

«Гаилә» илкүләм проектына керә торган «Өлкән буын» федераль проектын тормышка ашыру кысаларында Югары Ослан районының «Өмет утравы» халыкка социаль хезмәт күрсәтү комплекслы үзәгенең социаль хезмәткәрләре өйдәге социаль хезмәт алучылар белән эш иткәндә «Хатирәләр терапиясе» технологиясен куллануны дәвам итәләр.

Чара террорчылык һәм янгын куркынычы булган очракта Спас өлкәннәр һәм инвалидлар өчен интернат-йортының администрациясе, хезмәткәрләре, социаль хезмәт алучыларның гамәлләрен эшкәртүгә, хәбәр итү системасын тикшерүгә юнәлдерелгән.

Чистайның «Юлдаш» өлкәннәр һәм инвалидлар өчен интернат-йорты халкы Алексеевск районындагы «Изге чишмә» үзәнлегенә барырга күптән хыяллана иде. Интернат-йорт белгечләре ярдәмендә аларның хыялы тормышка ашты.

21 августта Яр Чаллы шәһәренең «Изгелек» инвалидларны тернәкләндерү үзәгендә «Һәлак булганнар истәлегенә, исәннәр хакына» дигән чара узды. Анда көндезге тору бүлегенең җиде социаль хезмәт алучысы катнашты. Чара Бөек Ватан сугышында Җиңүнең 80 еллыгына багышланган.

Ватанны саклаучылар елына һәм Бөек Ватан сугышында Җиңүнең 80 еллыгына багышланган дәресләр кысаларында Алексеевск районының «Кайгырту» балалар һәм яшүсмерләр өчен социаль приютында Аркадий Филипенконың «Бравые солдаты» җырын сәхнәләштерделәр. Чара музыкаль фольклор аша яшь буынны патриотик тәрбияләүгә юнәлдерелгән.

«Киләчәккә билет» һөнәри юнәлеш бирү программасы кысаларында Аксубай районының «Хыял» балалар һәм яшүсмерләр өчен социаль приютында тәрбияләнүчеләр Динә Шакированың чәчәк кибетендә булдылар.

20 августта Яр Чаллы шәһәренең «Изгелек» инвалидларны тернәкләндерү үзәгендә социаль хезмәтләр алучылар өчен кул астындагы материаллардан чәчәкләр ясау буенча мастер-класс үткәрелде.