«Хыял» приютында социаль-тернәкләндерү консилиумы утырышы узды
Балалар һәм яшүсмерләр өчен «Хыял» социаль приюты базасында ведомствоара социаль-тернәкләндерү консилиумы утырышы узды. Приют белгечләре Аксубай муниципаль районының профилактика субъектлары вәкилләре белән очрашты.
Утырышта балигъ булмаган балалары приютта тернәкләнү узучы дүрт гаиләне карадылар. Утырышка шулай ук әти-әниләр дә чакырылган иде.
Көн тәртибенә балигъ булмаганнар арасында күзәтүчесезлекне һәм хокук бозуларны профилактикалау системасы субъектларыннан «Татарстан Республикасында социаль куркыныч хәлдә булган гаиләләрне һәм балигъ булмаганнарны исәпкә алу һәм мониторинглау» мәгълүмат системасы аша гаиләдәге иминсезлек турында сигнал картасын карау кертелде. Утырышта шулай ук гаиләләр белән эшләү нәтиҗәләре каралды, балигъ булмаганнар белән тәрбия эшчәнлеге проблемалары күтәрелде, ата-аналарга киңәшләр бирелде.