Әлмәттә балаларга хокукый ярдәм күрсәтү көне узды

2025 елның 20 ноябре, пәнҗешәмбе

20 ноябрьдә Әлмәт районының «Опека» халыкка социаль хезмәт күрсәтү комплекслы үзәге базасында балигъ булмаганнарга һәм аларның ата-аналарына (законлы вәкилләренә) хокукый консультацияләр бирелде.

Чарада «Опека» үзәге, Республика матди ярдәм үзәге бүлекчәсе, Әлмәт районы Башкарма комитетының «Опека» идарәсе, мәгариф идарәсе, нотариаль контора вәкилләре, суд приставы, юристлар катнашты.

Чараның төп максаты балигъ булмаганнарга һәм аларның ата-аналарына хокукый ярдәм күрсәтү, шулай ук балаларның хокукларын һәм законлы мәнфәгатьләрен яклау иде. Сораулар алимент йөкләмәләренә, балигъ булмаганнарга өлешләр бүлеп бирүгә, өстәмә түләүләргә, опекуннарга түләүләргә һәм башкаларга кагылды.