ЯҢАЛЫКЛАР

6 майдан 8 майга кадәр «Фронт бригадалары» Бөтенроссия акциясе кысаларында Әлмәт муниципаль районы башлыгы Тимур Нагуманов, башлык урынбасары Марат Гыйрфанов һәм башкарма комитет җитәкчесе Айдар Каюмов Бөек Ватан сугышы ветераннарын хөрмәтләделәр.

Бөек Ватан сугышында Җиңү көне уңаеннан Буа мәдәният йортының агитбригадасы Буа өлкәннәр һәм инвалидлар өчен интернат-йортында яшәүче тыл хезмәтчәннәрен котлау өчен күчмә чаралар оештырды.

Концерт программасы белән Минзәләнең картлар һәм инвалидлар өчен интернат-йортына район мәдәният сарае, 11 нче «Шатлык» балалар бакчасы иҗат коллективлары, 8 нче балалар бакчасы тәрбияләнүчесе Тимур Шварцманнан торган фронт агитбригадасы килде. Кунаклар тыл хезмәтчәннәрен һәм интернат-йортта яшәүчеләрне Җиңү көне белән котларга килделәр.

5 майда Лениногорск районының «Исток–Башлангыч» халыкка социаль хезмәт күрсәтү комплекслы үзәге социаль хезмәткәрләре үз авылларының һәйкәлләрен һәм мемориалларын җыештыру буенча акция үткәрделәр. Мондый акцияләрнең максаты – территорияләрне чистарту, Җиңү көне алдыннан Бөек Ватан сугышында һәлак булганнарга һәйкәлләрне һәм мемориалларны җыештыру.

Алабуганың картлар һәм инвалидлар өчен интернат-йортында изге бәйрәм алдыннан тыл хезмәтчәне Мария Шмелеваны якынлашып килүче Җиңү көне белән котладылар. Аңа ТР Рәисе Рөстәм Миңнеханов исеменнән котлау открыткасы һәм бүләк тапшырдылар.

Минзәлә шәһәренең «Нефтче» 1 нче балалар бакчасында тәрбияләнүчеләр һәм хезмәткәрләр Минзәлә өлкәннәр һәм инвалидлар өчен интернат-йортында бәйрәм программасы белән чыгыш ясадылар. Бу очрашулар инде күптән традицион булып санала һәм тәрбияләнүчеләр һәм өлкәннәр арасындагы аралашуны үз эченә алган «Буыннар бәйләнеше» программасы кысаларында уза.

Волонтерлар Яр Чаллы шәһәре «Ышаныч» халыкка социаль хезмәт күрсәтү комплекслы үзәгенең социаль хезмәт алучыларын, Бөек Ватан сугышы ветераннарын Җиңү көне белән котладылар.

«Демография» милли проектының «Өлкән буын» федераль проекты чараларын гамәлгә ашыру кысаларында Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең социаль хезмәтләр алучылары белән төрле иҗтимагый оешма вәкилләре белән тематик очрашулар оештырыла.

21 апрельдән 22 июньгә кадәр ветераннарга ярдәм итү буенча масштаблы бөтенроссия акциясе уза. Аны «Буыннар истәлеге» хәйрия фонды үткәрә. Акция кысаларында илнең һәр кешесе, значок сатып алып, ветераннарга ярдәм итү эшенә үз өлешен кертә ала.

Геройлар аллеясына тематик экскурсияне Бөгелмәнең «Салават күпере» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгечләре Марина Токмачева һәм Светлана Кирдина оештырды. Чара үсеп килүче буында патриотик хисләр формалаштыру максатыннан оештырылды.