ЯҢАЛЫКЛАР
Казан шәһәренең халыкка социаль хезмәт күрсәтү комплекслы үзәгенең көндезге тору бүлеге базасында 15 апрельдә «Менталь тайпылышлары булган кешеләрдә социаль-көнкүреш һәм социаль-тирәлек күнекмәләрен формалаштыру практикасы» стажировка мәйданчыгы эше кысаларында практикага юнәлдерелгән очрашу узды.
Террорчылык һәм экстремизмны профилактикалау буенча максатчан республика программасы һәм «Синең сайлау» оператив-профилактик чарасы кысаларында Биектау районының 1 нче социаль участогында социаль куркыныч төркеменә кергән балалар белән әңгәмәләр узды. Чараны «Өмет» халыкка социаль хезмәт күрсәтү комплекслы үзәге белгечләре һәм балигъ булмаганнар эшләре буенча полиция бүлеге инспекторы Айнур Закиров оештырдылар.
16 апрельдә Яр Чаллы шәһәренең «Изгелек» инвалидларны тернәкләндерү үзәгендә Мөмкинлекләр фестиваленә әзерлек кысаларында беләзек үрү буенча мастер-класс үткәрделәр. Чарада көндезге тору бүлегенең социаль хезмәт алучылары катнашты.
18 апрельдә Минзәләнең халыкка социаль хезмәт күрсәтү комплекслы үзәгенең гаиләгә һәм балаларга ярдәм бүлеге белгечләре мини-футбол буенча турнир үткәрделәр.
17 апрельдә Татарстанның Биектау районында Компьютер белеме буенча бөтенроссия чемпионатының муниципаль этабы узды. Җиңүчеләр арасында «Өмет» халыкка социаль хезмәт күрсәтү комплекслы үзәгенең социаль хезмәт алучылары да бар.
Ата-аналарга вакытында ярдәм итү, аларның балалар–ата-аналар мөнәсәбәтләре мәсьәләләрендә компетентлылыгын арттыру, балигъ булмаганнарның яшүсмерлек чоры үзенчәлекләрен аңлау максатларында Казанның Совет районы буенча гаиләгә һәм балаларга социаль ярдәм бүлеге белгечләре «Безнең арада» программасын эшләделәр. Ул социаль хезмәт алучы ата-аналар, шул исәптән социаль куркыныч хәлдә булган гаиләләр белән эшләүне күздә тота.
Татарстан Республикасы Хезмәт, халыкны эш белән тәэмин итү һәм социаль яклау министрлыгы предприятие һәм оешма хезмәткәрләренең күпсанлы мөрәҗәгатьләренә җавап итеп хәбәр итә.
Яз җитү белән, Югары Ослан өлкәннәр һәм инвалидлар өчен интернат-йортында «Гарденотерапия» технологиясе кысаларында эшләүгә зур игътибар бирелә. Хезмәт буенча инструктор Наталья Котова җитәкчелегендә яшәүчеләр чәчәк һәм яшелчә үсентеләре үстерәләр.
Балалар һәм яшүсмерләр арасында хокук бозуларны профилактикалау кысаларында Минзәлә районындагы «Умырзая» балалар һәм яшүсмерләр өчен тернәкләндерү үзәгендә тәрбияләнүчеләр җирле полиция бүлегендә булдылар һәм районның хокук саклау органнарының ничек эшләвен белделәр.
Россиядә Гаилә елына багышланган чаралар кысаларында Тукай районының «Шәфкать» халыкка социаль хезмәт күрсәтү комплекслы үзәге белгечләре көндезге тору төркеме өчен китапханәгә экскурсия оештырдылар.