Республика халкын май аенда озын ял көтә

Татарстан Республикасы Хезмәт, халыкны эш белән тәэмин итү һәм социаль яклау министрлыгы предприятие һәм оешма хезмәткәрләренең күпсанлы мөрәҗәгатьләренә җавап итеп хәбәр итә.

Россия Федерациясе Хезмәт кодексының 112 статьясы нигезендә 1 май – Яз һәм Хезмәт бәйрәме, 9 май – Җиңү көне эшләми торган бәйрәм көннәре булып санала.

Эшләми торган бәйрәм көненә кадәр эш көне яки сменаның дәвамлылыгы бер сәгатькә кими (Россия Федерациясе Хезмәт кодексының 95 статьясының 1 өлеше).

Россия Федерациясе Хөкүмәтенең 2023 елның 10 августындагы «2024 елда ял көннәрен күчерү турында» 1314 номерлы карары белән, эшчеләрнең ял һәм эшләми торган бәйрәм көннәрен рациональ файдалану максатларында 2024 елда ял көннәре күчерелде:

6 гыйнвар шимбәдән 10 май җомгага;

27 апрель шимбәдән 29 апрель дүшәмбегә;

2 ноябрь шимбәдән 30 апрель сишәмбегә.

Биш көнлек эш атнасында эш көннәре 22 апрельдән 27 апрельгә кадәр алты көнгә кадәр арта, 29 апрельдән 3 майга кадәр ике көнгә кадәр кыскартыла, 6 майдан 10 майга кадәр өч көнгә кадәр кыскартыла.

Шулай итеп, 28, 29 һәм 30 апрель, 1, 9–12 май ял көннәре булып санала.

8 майда эш көне бер сәгатькә кыскартыла.