ЯҢАЛЫКЛАР

Психик тайпылышлы балаларга стационар социаль хезмәт күрсәтүне гамәлгә ашыручы оешма җитәкчеләренең «Без балаларыбыз өчен җаваплы» IV форумында катнашу өчен Казанга Россия Федерациясе Хезмәт һәм социаль яклау министрының беренче урынбасары Ольга Баталина килде.

Кичә Югары Ослан өлкәннәр һәм инвалидлар өчен интернат-йортында «Гаилә альбомына күз сал» проектының чаралар циклы дәвам итте. Моның сәбәбе – социаль хезмәтләр алучы Нина Майорованың 85 яшьлек юбилее.

«Демография» милли проектының «Өлкән буын» федераль проекты кысаларында 65 яшьтән өлкәнрәк теләчелеләрне профилактик медицина тикшерүләрен һәм диспансерлаштыруны гамәлгә ашыру максатыннан районның медицина учреждениеләренә китерү эше дәвам итә. «Чишмә» халыкка социаль хезмәт күрсәтү комплекслы үзәге һәм Теләче үзәк район хастаханәсенең уртак тырышлыгы белән 23 майга сәламәтлек саклау учреждениеләренә 522 өлкән яшьтәге граждан китерелгән, шул исәптән диспансерлаштыруга – 235 кеше.

22 майда Ютазы районының «Гармония» халыкка социаль хезмәт күрсәтү комплекслы үзәге һәм «көмеш» волонтерлар «Гаилә – тормышның тылсымлы символы» дигән акция уздырды.

Татарстан башкаласында психик тайпылышлы балаларга стационар социаль хезмәт күрсәтүне гамәлгә ашыручы оешма җитәкчеләренең «Без балаларыбыз өчен җаваплы» IV форумы чаралары дәвам итә. Бүген форумның соңгы көне.

22 майда Тәтеш өлкәннәр һәм инвалидлар өчен интернат-йортында социаль хезмәтләр алучылар Елена Ореховская һәм Юрий Воронков VIII Республика стационар социаль хезмәт күрсәтү учреждениеләре арасында шахмат-шашка турнирында уңышлы катнаштылар.

Татарстан Республикасының Балтач районыннан Булат һәм Фәния Шәрәфетдиновлар 2007 елда гаилә корган. Гаиләдә үзара хөрмәт, ярдәм, мәхәббәт һәм җаваплылык хисе хөкем сөрә. Барысы да кайгыртучанлык күрсәтәләр, бер-берсенә ярдәм итәләр. Балалар әти-әниләренең яратуын һәм җылысын тоялар.

Фәния Рәис кызы үзен балаларга багышлаган. Ул яратучан һәм кайгыртучан әни һәм хатын. Булат Равил улы үзмәшгуль эшчәнлеген алып бара. Булат тырыш, игътибарлы әти һәм яхшы гаилә башлыгы.

Шәрәфетдиновлар өч бала тәрбияли. Кызганычка каршы, олы кызлары Айгөл сәламәтлек белән бәйле проблемалар белән туа. Айгөл өйдә белем ала, Кәрим дүртенче сыйныфны тәмамлаган, ә кече кызлары быел беренче сыйныфка бара.

Айгөл гаиләдә өлкән кыз булса да, аңа әти-әнисе генә түгел, ә энесе һәм сеңлесе дә җылылык һәм мәхәббәт бүләк итә. Алар апалары турында кайгырталар, ешрак аның янында булырга тырышалар.

Гаиләдә хезмәт сөючәнлек, өлкәннәрнең хезмәтенә хөрмәтле мөнәсәбәт тәрбияләнә. Балалар гаиләнең хезмәт эшчәнлегендә катнашалар. Шәрәфетдиновлар йорт яны участогында эш алып баралар. Җәй буе алар гаилә белән эшлиләр, аннары яхшы уңыш җыялар, йорт кошлары үрчетү белән шөгыльләнәләр. Гаиләдә балаларның уңышлы укуына ярдәм итүче режим катгый үтәлә.

Сүз уңаеннан, Айгөл Халыкара гаилә көнендә туган. Бу көнне аның янына «Наз» үзәгенең гаиләгә һәм балаларга социаль ярдәм бүлеге белгечләре килде, хәйриячедән бүләкләр тапшырдылар. Кыз белән игътибар һәм сизү функцияләрен үстерү буенча дәрес үткәрделәр. «Наз» үзәге психологы Роза Галимова инвалид баланың әнисенә эмоциональ януны кисәтү буенча киңәшләр бирде.

Бөгелмә шәһәренең «Ялкын» балалар һәм яшүсмерләр өчен социаль приютының мәктәп төркеме тәрбияләнүчеләре «Хочу красиво» матурлык салонына һөнәри юнәлеш экскурсиясенә чакырылган иде.

Казандагы «Солнечный» мөмкинлекләре чикле балалар һәм яшүсмерләр өчен тернәкләндерү үзәгендә балалар һәм ата-аналар өчен «Җитез туп» дигән спорт-уен чарасы үткәрделәр.

Түбән Кама районының «Шәфкать» халыкка социаль хезмәт күрсәтү комплекслы үзәге хезмәткәрләре Авыр тормыш хәлендә калган балаларга ярдәм фонды гранты акчасына өй микротернәкләндерү үзәген булдыру буенча «Яңа офыклар» проектын гамәлгә ашыруны дәвам итәләр.