«Демография» илкүләм проекты кысаларында 500дән артык өлкән Теләче халкы медицина тикшерүе узган
«Демография» милли проектының «Өлкән буын» федераль проекты кысаларында 65 яшьтән өлкәнрәк теләчелеләрне профилактик медицина тикшерүләрен һәм диспансерлаштыруны гамәлгә ашыру максатыннан районның медицина учреждениеләренә китерү эше дәвам итә. «Чишмә» халыкка социаль хезмәт күрсәтү комплекслы үзәге һәм Теләче үзәк район хастаханәсенең уртак тырышлыгы белән 23 майга сәламәтлек саклау учреждениеләренә 522 өлкән яшьтәге граждан китерелгән, шул исәптән диспансерлаштыруга – 235 кеше.
Агымдагы елның беренче кварталы ахырына кадәр тагын 120 өлкән яшьтәге гражданны хезмәт белән тәэмин итү планлаштырыла.
Бүгенге көндә хезмәт өлкән яшьтәге гражданнар арасында актуаль. Гражданнар өчен алар яшәгән урынга һәм кирегә автотранспорт бирү оештырылган, кирәк булганда гражданнар өчен кресло-коляскаларда күтәрү җайланмасы бар. Нәтиҗәдә, өлкән яшьтәге кешеләр медицина тикшеренүләрен бушлай узарга һәм авыруларны үсешнең башлангыч стадияләрендә вакытында ачыкларга мөмкинлек алалар, шуның белән тормыш сыйфаты яхшыра һәм гомер озынлыгы арта.