«Яңа офыклар» проекты Түбән Кама районында эшен дәвам итә
Түбән Кама районының «Шәфкать» халыкка социаль хезмәт күрсәтү комплекслы үзәге хезмәткәрләре Авыр тормыш хәлендә калган балаларга ярдәм фонды гранты акчасына өй микротернәкләндерү үзәген булдыру буенча «Яңа офыклар» проектын гамәлгә ашыруны дәвам итәләр.
«Шәфкать» үзәге белгечләре, шулай ук җәлеп ителгән белгечләр составындагы күчмә мобиль бригада балалар белән өйдә тернәкләндерү һәм коррекция-үсеш чаралары комплексын үткәрә, аларны шәхси тернәкләндерү программасы нигезендә яңа күнекмәләргә өйрәтә.
Дәресләр үткәрү өчен грант акчасына 11 төр җиһаз, шулай ук социаль прокат пункты өчен 12 төр техник тернәкләндерү чаралары сатып алынган. Ата-аналарны теге яки бу җиһазны ничек дөрес кулланырга проект партнерлары – «ДАР» АКБО белгечләре өйрәтә.
«Яңа горизонтлар» проектында инвалид балалары һәм сәламәтлек мөмкинлекләре чикләнгән балалары булган 18 гаилә катнаша, алар авыру сәбәпле социаль учреждениеләргә йөри алмыйлар.