ЯҢАЛЫКЛАР

8 июньдә Бөгелмә шәһәренең Яшьләр сараенда Социаль хезмәткәр көне тантаналы рәвештә билгеләп үтелде. Социаль өлкә хезмәткәрләренә мактау грамоталары һәм рәхмәт хатлары тапшырырга район башлыгы, шәһәр мэры Линар Закиров һәм Бөгелмә муниципаль районы Башкарма комитеты җитәкчесенең социаль мәсьәләләр буенча урынбасары Ольга Плеханова килделәр.

8 июньдә Яр Чаллы шәһәренең «Изгелек» инвалидларны тернәкләндерү үзәгендә Социаль хезмәткәр көненә багышланган бәйрәм чарасы узды.

5 июньдә узган Бөтендөнья әйләнә-тирә мохит көне Менделеевск муниципаль районындагы «Кама таңнары» социаль приютында тәрбияләнүчеләр өчен татар китапханәсенә бару белән истә калды, анда учреждение хезмәткәрләре балалар белән «Безнең төп дуслар – һава, урман һәм су» темасына әңгәмә корды.

Татарстан Республикасында Милли мәдәниятләр һәм гореф-гадәтләр елы кысаларында Мамадыш районы «Кайгырту» халыкка социаль хезмәт күрсәтү комплекслы үзәгенең көндезге тору төркемендә хезмәт алучы 35 кеше өчен Казанга экскурсия оештырылды.

Россия Федерациясе Хезмәт кодексының 112 нче статьясы нигезендә 12 июнь – Россия көне – эшләми торган бәйрәм көне булып санала.

Әлмәт районында «Опека» халыкка социаль хезмәт күрсәтү комплекслы үзәгендә дүрт эш урынындагы хезмәт шартларына махсус бәя бирделәр. Чараны уздыруга шулай ук «Эко старт» ҖЧҖ җәлеп ителде.

7 июньдә Буа муниципаль районында Социаль хезмәткәр көненә багышланган тантаналы чара оештырылды. Чарага районның социаль тармак учреждениеләре хезмәткәрләре, шулай ук тармак ветераннары чакырылган иде.

Татарстан Республикасы эш бирүчеләре тарафыннан «Россиядә эш» хезмәт мөнәсәбәтләре һәм мәшгульлек өлкәсендә бердәм цифрлы платформасында тәкъдим ителгән вакансияләр саны 36 205 берәмлекне тәшкил итте.

8 июньдә Менделеевск районының «Кама таңнары» балалар һәм яшүсмерләр өчен социаль приютында Светлана Филиппова танып белү сәгате үткәрде. Балалар социаль хезмәтнең эше нәрсәдә, халыкның нинди категориясе кайгыртуга мохтаҗ, социаль хезмәткәрләр нинди ярдәм күрсәтә, социаль профильгә нинди һөнәрләр кертелгән икәнен белделәр.

Бүген Татарстан Республикасы Премьер-министры Алексей Песошин Казандагы халыкка социаль хезмәт күрсәтү комплекслы үзәгенең көндезге тору бүлегендә булды. Аны ТР хезмәт, халыкны эш белән тәэмин итү һәм социаль яклау министры Эльмира Зарипова озатып йөрде.