ЯҢАЛЫКЛАР
Татарстан Республикасы Хезмәт, халыкны эш белән тәэмин итү һәм социаль яклау министрлыгы дәүләт идарәсе, җирле үзидарә органнары, контроль-күзәтчелек, хокук саклау һәм салым органнары белән берлектә хезмәткәрләрнең хезмәтенә вакытында һәм тулысынча түләү өлешендә хезмәт хокукларын үтәүне тәэмин итү эшен дәвам итә.
Биш көнлек эш атнасында 20 март ял көне булып санала, 19 мартта эш көне бер сәгатькә кыскара.
Татарстан Республикасында Хәрби батырлык һәм хезмәт фидакарьлеге елында үз эшеңә бирелгәнлек һәм күпьеллык хезмәт тарихлары аеруча кыйммәтле була. Исаевларның хезмәт династиясе елъязмасы – шундый якты битләрнең берсе, аның вәкилләре дистә еллар дәвамында Алабуга социаль хезмәт күрсәтү йортына хезмәт итә.
Җәлил өлкәннәр һәм инвалидлар интернат-йортында изге Рамазан аена багышланган тантаналы чара узды. Анда яшәүчеләр һәм учреждение хезмәткәрләре өчен күмәк ифтар оештырылды.
Азнакай өлкәннәр һәм инвалидлар интернат-йортында яшәүчеләргә кунакка җирле ат спорты мәктәбеннән кечкенә ат килде. Пенелопа кушаматлы пони беренче минуттан ук өлкән яшьтәге кешеләрнең игътибарын яулап алды. Аларның күбесе өчен хайваннар белән аралашу – сирәк була торган шатлык, ә атлар ярдәмендә тернәкләндерү һәм терапия методы чын могҗизалар тудыра.
Мамадыш районының «Кайгырту» халыкка социаль хезмәт күрсәтү комплекслы үзәге социаль хезмәткәрләре «Өлкәннәр һәм инвалидлар өчен куркынычсызлык мәктәбе» технологиясе кысаларында даими рәвештә инструктажлар үткәрә.
Югары Ослан районында «Өмет утравы» халыкка социаль хезмәт күрсәтү комплекслы үзәге базасында «Гаилә» милли проекты кысаларында Карау мәктәбе эшли. Аның төп бурычы – аз хәрәкәтләнүче гражданнарның туганнарын һәм социаль хезмәткәрләрне авыруларны һәм инвалидларны өйдә карау күнекмәләренә өйрәтү.
Шушы көннәрдә Бөгелмә районының «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә «Юл билгеләре нәрсә аңлата» дип исемләнгән танып-белү дәресе узды. Чараның максаты юл билгеләре һәм юлда үз-үзеңне куркынычсыз тоту кагыйдәләре турында белемнәрне ныгытудан гыйбарәт иде.
Мамадыш районындагы «Кайгырту» халыкка социаль хезмәт күрсәтү комплекслы үзәгенең көндезге тору бүлекчәсенә йөрүчеләр социаль-көнкүреш адаптациясе буенча кулинария мастер-классында катнаштылар.
Менделеевск районының «Кама таңнары» балалар һәм яшүсмерләр социаль приютында «Чүлмәкчелек остаханәсе» проектын гамәлгә ашыру кысаларында мастер-класс узды, анда тәрбияләнүчеләр гипс кою технологиясен үзләштерделәр.