ЯҢАЛЫКЛАР

3 апрельдә Лениногорск районының «Исток-Башлангыч» халыкка социаль хезмәт күрсәтү комплекслы үзәгендә «Гаилә» илкүләм проектын гамәлгә ашыру кысаларында чара узды. Социаль эш буенча белгеч Мария Исаева Йөкле хатын-кызлар көненә багышланган «Бәхет талисманы» дигән мастер-класс үткәрде.

2 апрельдә Казанның «Кояшлы» мөмкинлекләре чикләнгән балалар һәм яшүсмерләр өчен тернәкләндерү үзәгендә Идел буе дәүләт физик культура, спорт һәм туризм университетының «Адаптив физик культура» белгечлеге буенча өченче курс студентларының практикасы башланды.

Алексеевск районының «Кайгырту» балалар һәм яшүсмерләр өчен социаль приютында интеллектуаль тәрбия дәресләре кысаларында Халыкара балалар китабы көненә кушылдылар. Балалар һәм яшүсмерләрне бергәләп балалар әдәбиятын уку культурасына тарту, гаилә белән уку традицияләрен торгызу максатларында приютта «Бергә китап укыйбыз» марафонын хупладылар.

2 апрельдә Казандагы «Апрель» мөмкинлекләре чикләнгән балалар һәм яшүсмерләр өчен тернәкләндерү үзәге хезмәткәрләре һәм балалары Бөтендөнья аутизм проблемасы турында мәгълүмат тарату көненә кушылдылар һәм «Зәңгәр белән кабыз» халыкара акциясендә катнаштылар. Аутистик спектр бозылулары булган балалар һәм аларның гаиләләре белән теләктәшлек йөзеннән чарада катнашучылар зәңгәр шарлар әйләнәсендә зәңгәр киемдә фотога төштеләр.

Бөтендөнья аутизм турында мәгълүмат тарату көне алдыннан Лениногорск районының «Исток-Башлангыч» халыкка социаль хезмәт күрсәтү комплекслы үзәге социаль педагогы Оксана Лямова район халкы арасында «Зәңгәр белән кабыз» акциясе үткәрде. Акциянең максаты – аутизм проблемасына игътибар җәлеп итү, аутизм спектры бозылган кешеләр турында сөйләү һәм җәмгыятьтә аңлау һәм ярдәм итү атмосферасын формалаштыру.

«Хыял» балалар һәм яшүсмерләр өчен социаль приюты базасында приют белгечләре һәм Аксубай районы профилактика субъектлары вәкилләре катнашында муниципаль социаль-тернәкләндерү консилиумы утырышы узды. Утырышка шулай ук әти-әниләр дә чакырылган иде.

Менделеевск районындагы «Кама таңнары» балалар һәм яшүсмерләр социаль приютының балалар туку остаханәсендә кулдан туку буенча чираттагы дәрес узды.

Теләче районы «Чишмә» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгече Ләйсән Хөсәенова Татарстанда Хәрби батырлык һәм хезмәт фидакарьлеге елына багышланган чара үткәрде. «Безнең гаилә геройлары» темасына үткәрелгән чарада көндезге тору төркемендә социаль хезмәт алучылар катнашты.

Бөтендөнья аутизм турында мәгълүмат тарату көне кысаларында Түбән Кама районының «Шәфкать» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге «Зәңгәр белән кабыз» дигән махсус акция үткәрде.

«Тәтеш балкышы» халыкка социаль хезмәт күрсәтү комплекслы үзәге белгече социаль хезмәт алучыларга карата мошенниклык очракларын кисәтү максатында финанс куркынычсызлыгы буенча тематик дәрес оештырды.