Аксубай районында социаль-тернәкләндерү консилиумы утырышы узды
«Хыял» балалар һәм яшүсмерләр өчен социаль приюты базасында приют белгечләре һәм Аксубай районы профилактика субъектлары вәкилләре катнашында муниципаль социаль-тернәкләндерү консилиумы утырышы узды. Утырышка шулай ук әти-әниләр дә чакырылган иде.
Чара кысаларында балигъ булмаган балалары приютта тернәкләнү уза торган ике гаиләне карадылар. Утырышта катнашучылар гаилә белән эшләү нәтиҗәләрен карадылар, балигъ булмаганнар белән тәрбия эшчәнлеге проблемалары күтәрелде, ата-аналарга киңәшләр бирелде.
Көн тәртибенә шулай ук «Татарстан Республикасында социаль куркыныч хәлдә булган гаиләләрне һәм балигъ булмаганнарны исәпкә алу һәм мониторинглау» мәгълүмат системасы аша балигъ булмаганнар арасында күзәтүчесезлекне һәм хокук бозуларны профилактикалау системасы субъектларыннан килгән гаиләдәге иминсезлек турындагы сигнал картасын карау кертелгән иде.