Түбән Каманың «Шәфкать» үзәге «Зәңгәр белән кабыз» акциясенә кушылды
Бөтендөнья аутизм турында мәгълүмат тарату көне кысаларында Түбән Кама районының «Шәфкать» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге «Зәңгәр белән кабыз» дигән махсус акция үткәрде.
Бүлекчәдә социаль хезмәт күрсәтүдә аутизм белән интегүче балалар бар, алар белән инклюзив хезмәттәшлек методикасы буенча махсуслаштырылган белем алган югары квалификацияле педагоглар эшли. Бүгенге көндә бүлекнең бөтен коллективы бердәмлек символик ишарәсендә берләште: хезмәткәрләр зәңгәр төстәге кием киделәр, бу төст аутизм белән интегүчеләрне кабул итүнең халыкара символына әверелде.
Чара кысаларында ике интерактив блок узды – «Тоярга, аңларга» һәм «Зәңгәр өмет кошы».
Шулай ук бүлекчә фойесында көне буе «Айдан туганым» һәм «Дима турында» мультфильмнары трансляцияләнде, алар тамашачыларга дөньяны аутизм белән интегүче бала күзләре белән күрергә ярдәм итә.
