ЯҢАЛЫКЛАР

Россиядә Гаилә елы һәм «Солдатка хат» бөтенроссия акциясе кысаларында Казанның халыкка социаль хезмәт күрсәтү комплекслы үзәге белгечләре һәм «Фронтка ярдәм» җәмгыяте җитәкчесе «Безнең заман геройлары» дәресе үткәрделәр. Чарада социаль хезмәтләр алучы гаиләләр катнашты.

3 июльдә Яңа Чишмә өлкәннәр һәм инвалидлар өчен интернат-йортында яшәүчеләр бергә җыелып, күңелле бәйрәм үткәрделәр. Ансамбльдә булган «көмеш» волонтерлар һәм Гади Чаллы авыл мәдәният йорты вәкилләре бу чараны үз чыгышлары белән бизәделәр.

Югары Ослан өлкәннәр һәм инвалидлар өчен интернат-йортында Сугыш ветераннары көненә багышланган чара узды. Программага тарихи сәгать һәм тематик ребуслар чишү кертелгән иде. Тәрбияче Ксения Хваткова социаль хезмәтләр алучыларга илебез гражданнарына үз ирекләрен якларга һәм тышкы дошманнар белән көрәшергә туры килгән фаҗигале вакыйгалар турында искә төшерде. 

Бүген Яр Чаллы шәһәренең «Изгелек» инвалидларны тернәкләндерү үзәгендә социаль хезмәтләр алучылар өчен тарихи-патриотик чара үткәрелде. Ул үзенең хәрби бурычын үтәгәндә иң югары рух көчен, фидакарьлеген, батырлыгын күрсәткән һәркемгә хөрмәт булды.

1 июльдә Россиядә истәлекле дата – Сугыш хәрәкәтләре ветераннары көне билгеләп үтелә. Бүген Буа өлкәннәр һәм инвалидлар өчен интернат-йорты белгечләре социаль хезмәтләр алучылар өчен Әфганстанда һәм Чечен Республикасында хәрби хәрәкәтләр ветераннары белән очрашу оештырды.

Бөгелмә районындагы «Ялкын» балалар һәм яшүсмерләр өчен социаль приютындагы балалар янына махсус хәрби операциядә катнашучы А. Котельников килеп китте.

24 июньдә Лениногорск районының «Исток–Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсендә балигъ булмаган социаль хезмәт алучыларның махсус хәрби операциядә катнашучы белән очрашуы узды. Чара балаларда ватанпәрвәрлек, туган илгә һәм аның тарихына хөрмәт хисе формалаштыру максатыннан үткәрелде.

Шушы көннәрдә Алексеевск районындагы «Кайгырту» балалар һәм яшүсмерләр өчен социаль приютында «Солдатка хат» акциясе узды. Аның максаты – үсеп килүче буында үз иле өчен горурлык тәрбияләү һәм батырлык, бурыч һәм намус турында күзаллау формалаштыру.

Яр Чаллыда «Кояшкай» мөмкинлекләре чикле балалар һәм яшүсмерләр өчен тернәкләндерү үзәге «Хәтер бакчасы» акциясенә кушылды.

Теләче районы «Чишмә» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе социаль педагогы Фәния Гайнетдинова Алан авыл җирлегенең мәктәп яны лагеры базасында дәрес үткәрде. Чара яшүсмерләрнең патриотик аңын һәм актив гражданлык позициясен формалаштыруга һәм үстерүгә юнәлдерелгән «Яшь патриот» программасы кысаларында оештырылды.