Чаллы халкы МХО ихтыяҗлары өчен маскировка челтәрләре үрә

Бөгелмәнең «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә атна дәвамында «Гаиләдән гаиләгә» хәйрия акциясе узды.

Түбән Кама районының «Шәфкать» халыкка социаль хезмәт күрсәтү комплекслы үзәгенең көндезге тору бүлегендә «Тегү эше» программасы уңышлы тормышка ашырыла, ул социаль хезмәтләрдән файдаланучыларның тормыш сыйфатын күтәрүгә һәм социаль адаптацияләүгә юнәлдерелгән. Бу программа тегүгә өйрәтү генә түгел, ә үзендә һөнәри белем, арт-терапия һәм социаль тернәкләндерүне берләштергән комплекслы чара.

«Шатлык» халыкка социаль хезмәт күрсәтү комплекслы үзәгенең һөнәри юнәлеш бирү эше кысаларында балигъ булмаганнар Зәй районы буенча полиция бүлегендә булдылар. Экскурсия балаларны хокук саклау органнары хезмәткәрләренең эше белән таныштыру максатында оештырылды.

Яр Чаллының «Россия эше» кадрлар үзәгендә «Хатын-кызлар бизнесы» хатын-кызлар клубының чираттагы очрашуы булды. Чара барышында үз эшен ачарга батырчылык иткән хатын-кызларга ярдәм итүдә мәшгульлек хезмәтенең роленә кагылышлы мәсьәләләр каралды. Катнашучылар уңышлы кейслар статистикасы һәм хатын-кызлар берлегенең уникальлеге, сату өлкәсендә нәтиҗәле стратегияләр, шулай ук продуктларны һәм хезмәтләрне алга җибәрү ысуллары турында фикер алыштылар. Моннан тыш, 2025 елда көтелгән трендлар да кагылды.