ЯҢАЛЫКЛАР

4 февральдә «Сугышның хатын-кыз йөзе түгел...» проекты кысаларында Алексеевск районының «Кайгырту» балалар һәм яшүсмерләр өчен социаль приюты тәрбиячесе Алексей Шатков «Кар десанты» акциясе үткәрде. Чарада «Чишмәкәй» тимурчылар отряды катнашты, отрядта приютның җиде тәрбияләнүчесе тора.

Югары Ослан муниципаль районының «Өмет утравы» халыкка социаль хезмәт күрсәтү комплекслы үзәгендә ялгыз һәм ялгыз яшәүче гражданнарны өйләренә барып карау дәвам итә. Эшче төркем график нигезендә өйләрне йөреп чыга.

Чистайның «Юлдаш» өлкәннәр һәм инвалидлар өчен интернат-йортында озак вакытлы карау системасы кысаларында инновацион технологияләр һәм социаль эш алымнары кулланыла. Шул ук вакытта өлкән кешенең сәламәтлеген ныгытуга зур игътибар бирелә. Шул максат белән хезмәт буенча инструктор Ирина Баранова эштә ярма терапиясе методын – вак моториканы ныгыту һәм үстерү өчен дәресләр комплексын куллана.

Тәтеш өлкәннәр һәм инвалидлар өчен интернат-йортында социаль хезмәт алучылар белән тернәкләндерүнең яңа ысулы буларак чикләвек кулланып күнегүләр керткәннәр. Шөгыльләнү өчен грек чикләвеге салынган капчык (20-25 данә) һәм капкачлы, уртасында тишек булган тартма кирәк.

Буа өлкәннәр һәм инвалидлар өчен интернат-йортында мөмкинлекләре чикле кешеләргә социаль ярдәм күрсәтү максатыннан «Мәрхәмәтле йөрәкләр» эчке волонтерлар отряды эшли. Әлеге хәрәкәтнең төп бурычы – волонтерлык эшчәнлеге аша яшәүчеләрнең үз-үзләрен ачу.

31 нче гыйнварда Минзәлә халыкка социаль хезмәт күрсәтү комплекслы үзәгенең социаль эш буенча белгечләре Екатерина Чигвинцева һәм Чулпан Бадьина социаль хезмәт күрсәтүдә булган гражданнарга социаль хезмәт күрсәтүнең сыйфатын тикшерү максатыннан районга барып өйләрендә булып кайттылар.

Югары Осланның өлкәннәр һәм инвалидлар өчен интернат-йортында яңа технология – баш мие ярымшарлары үзенчәлекләрен истә тотып рәсем ясау практикасы башланды. Бу дәресләрне хезмәт буенча инструктор Светлана Боткова үткәрә.

Минзәлә халыкка социаль хезмәт күрсәтү комплекслы үзәге белгечләре һәм социаль хезмәт алучылар ун көн дәвамында юрган бәйләү өстендә эшләделәр. 20 гыйнварда алар Чулпан Бадьина җитәкчелегендә Минзәлә картлар һәм инвалидлар өчен интернат-йортында узган бәйләү буенча мастер-класста булдылар. Әлеге чара «Кышкы салкыннарда күңел җылысы» социаль проекты кысаларында оештырылган.

Буа муниципаль районында Татарстан Республикасы Хезмәт, халыкны эш белән тәэмин итү һәм социаль яклау министрлыгы боерыгы нигезендә ялгыз һәм ялгыз яшәүче 80 яшьлек һәм аннан өлкәнрәк гражданнарны өйләренә барып карау башланды. Бүгенге көндә районда шундый 1 248 граждан исәпләнә. Өйгә барып карауның максаты – яшь һәм (яки) сәламәтлеге торышы аркасында төп тормыш ихтыяҗларын мөстәкыйль рәвештә тәэмин итә алмый торган өлкән яшьтәге гражданнарны ачыклау.

Яңа коронавирус йогышы таралуга юл куймау чаралары кысаларында Буа районы «Гармония» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлекчәсе хезмәткәрләре «Омикрон-штамм таралу һәм агышы үзенчәлекләре» дигән темага өйдә әңгәмәләр уздыралар.