ЯҢАЛЫКЛАР

Халыкара өлкәннәр көне уңаеннан Түбән Кама районының «Шәфкать» халыкка социаль хезмәт күрсәтү комплекслы үзәгендә бәйрәм чаралары уза.

Мамадыш районында «Игелек кәрзине» традицион хәйрия акциясе узды. Акция Халыкара өлкәннәр көне кысаларында, район авыл хуҗалыгы ярминкәсе вакытында уза.

Өлкәннәр декадасы кысаларындагы «Матурлык көне» акциясе күп кенә өлкән буын гражданнары өчен чын бәйрәмгә әверелде. Югары Ослан районының «Өмет утравы» халыкка социаль хезмәт күрсәтү комплекслы үзәгендә 1 нче һәм 2 нче октябрь көннәрендә искиткеч чара булып узды, ул өйдә социаль хезмәт күрсәтү бүлегенең 10 кешесенә шатлык һәм уңай эмоцияләр бүләк итте.

Минзәлә районындагы халыкка социаль хезмәт күрсәтү комплекслы үзәгенең өйдә социаль хезмәтләр алучылары бәйрәм концертында булдылар. Концерт номерлары беркемне дә битараф калдырмады.

Халыкара өлкәннәр көне кысаларында Минзәлә муниципаль районы башлыгы Айдар Сәлахов, җиденче чакырылыш ТР Дәүләт Советы депутаты Азат Хамаев, социаль яклау бүлеге җитәкчесе Татьяна Мясникова 100 һәм аннан да күбрәк яшьтәге өлкән буын вәкилләрен хөрмәтләделәр.

Зәй шәһәре волонтерлары җирле ветераннар оешмасы белән берлектә «Шатлык» халыкка социаль хезмәт күрсәтү комплекслы үзәге тарафыннан гамәлгә ашырыла торган «Бер сәгатькә ул» проектында актив катнаштылар. Инициатива кысаларында ир-атлар көнкүреш ихтыяҗларын мөстәкыйль рәвештә хәл итү сәләтен югалткан өлкән яшьтәге кешеләргә ярдәм күрсәтә.

Алексеевск районындагы балалар һәм яшүсмерләр өчен «Кайгырту» социаль приютында «Буыннар диалогы» программасын гамәлгә ашыру кысаларында тәрбияче Алексей Шатков «Ярдәм кулыңны суз» акциясе үткәрде. Приютта тәрбияләнүчеләр «көмеш» яшьтәге волонтерларга уңыш җыеп алырга булыштылар.

Аксубай районының «Хыял» балалар һәм яшүсмерләр өчен социаль приютында тәрбияләнүчеләр, «Импульс» волонтерлар отрядына берләшеп, читтә калмаска һәм педагогик хезмәт ветераны Валентина Климовага кулларыннан килгәнчә ярдәм итәргә булдылар. Балалар аның участогына барып, көзге уңыш җыюда булыштылар – бәрәңге алдылар.

Зәйдә өлкәннәргә көнкүреш ярдәме күрсәтүче «Бер сәгатькә ул» социаль проектында катнашучылар «Шатлык» социаль ярдәм үзәгендә комплекслы тернәкләндерү курсына керештеләр. Оештыручылар билгеләп үткәнчә, бу чара «Шатлык» халыкка комплекслы социаль хезмәт күрсәтү үзәгендә өйдә социаль хезмәт алучы ялгыз өлкән яшьтәге гражданнарга даими рәвештә ярдәм итүче активист-волонтерларның физик формасын саклап калуга юнәлдерелгән.

2024 елның декабрендә Зәй муниципаль районы Ветераннар советы белән берлектә «Шатлык» халыкка социаль хезмәт күрсәтү комплекслы үзәге тарафыннан эшләнгән «Бер сәгатькә ул» уникаль социаль проекты старт алды. Бу ялгыз өлкән яшьтәге гражданнарга һәм инвалидларга бушлай көнкүреш ярдәме күрсәтергә мөмкинлек бирә торган инициатива.