ЯҢАЛЫКЛАР

Чараның геройлары Болтик һәм Ролик клоуннары булды. Алар белән бергә Яр Чаллы шәһәренең «Кояшкай» мөмкинлекләре чикләнгән балалар һәм яшүсмерләр өчен тернәкләндерү үзәгендә тәрбияләнүчеләр юл хәрәкәте кагыйдәләрен кабатладылар, светофор сигналларын, юл билгеләрен, юл аша чыгу кагыйдәләрен искә төшерделәр. Балалар шулай ук танып белү мультфильмын карадылар.

Зәй районының «Шатлык» халыкка социаль хезмәт күрсәтү комплекслы үзәге 2024–2025 елларга балалар иминлеген тәэмин итүнең төбәк системасын үстерү чаралары комплексы кысаларында актив рәвештә чаралар үткәрә.

Югары Ослан районында «Өмет утравы» халыкка социаль хезмәт күрсәтү комплекслы үзәге белгечләре, шулай ук күзәтчелек һәм профилактика эшләре бүлеге хезмәткәре катнашында рейд булды.

Спас өлкәннәр һәм инвалидлар өчен интернат-йортында социаль хезмәт алучыларның интеллектуаль сәләтләрен ныгыту максатыннан, «Гаилә» милли проектының «Өлкән буын» федераль проектын гамәлгә ашыру кысаларында тәрбияче Ирина Телицына төркемле дәрес үткәрде.

Арча районы «Шәфкать үзәге» халыкка социаль хезмәт күрсәтү комплекслы үзәгенең көндезге тору бүлегендә «Юл йөрү кагыйдәләрен белүчеләр» уены узды. Чарада шулай ук «Юл хәрәкәте иминлеге» ДБУ Арча районы профилактика бүлеге начальнигы Энҗе Мөхәммәтҗанова да катнашты.

Биектау районының «Өмет» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе социаль педагоглары Алия Сафина һәм Гөлнара Фәйзиева, «Юл хәрәкәте иминлеге» ДБУ башлыгы Алсу Сафиуллина белән берлектә, көндезге тору төркемендә катнашучылар өчен юл хәрәкәте иминлеге буенча мәгълүмати дәрес үткәрделәр.

Югары Ослан районының «Өмет утравы» халыкка социаль хезмәт күрсәтү комплекслы үзәге белгечләре «Без куркынычсызлык яклы» дигән акция уздырды. Акциянең төп максаты балалар катнашындагы юл-транспорт имгәнү проблемасына игътибарны җәлеп итү иде.

7 февральдә Алексеевск районының Балалар һәм яшүсмерләр өчен «Кайгырту» социаль приютында балалар катнашында юл-транспорт җәрәхәтләрен булдырмау максатыннан «Игътибар, юл!» акциясе узды. Аны приютта тәрбияләнүчеләр һәм тәрбияче Гөлшат Җаббарова оештырды.

Әлмәт районындагы «Опека» халыкка социаль хезмәт күрсәтү комплекслы үзәгенең социаль хезмәтләр алучылары 12 нче мәктәпнең яшь юл инспекторлары белән бергә уртак акция үткәрделәр. Чара дәүләт автоинспекциясе һәм «Юл хәрәкәте иминлеге» ДБУ җитәкчелегендә оештырылды.

Яшел Үзән районының «Ышаныч» мөмкинлекләре чикләнгән балалар һәм яшүсмерләр өчен тернәкләндерү үзәгендә «Безнең ярдәмче светофор» исемле танып белү чарасы узды.