Көндезге тору төркемнәрендә яшь инвалидларны куркынычсыз тәртип кагыйдәләренә өйрәтәләр
Яшь инвалидларны урамда, җәмәгать транспортында, юлда үз-үзләрен куркынычсыз тотарга өйрәтү социаль-мохиткә җайлашуның төп бурычларыннан берсе булып тора.
«Тәтеш балкышы» халыкка социаль хезмәт күрсәтү комплекслы үзәгенең көндезге тору төркеменә йөрүче яшьләр «Форпост» яшьләр хәрәкәте белгече белән берлектә оештырылган тематик чарада катнаштылар.
Дәрес барышында юлда, җәмәгать транспортында үзеңне ничек дөрес тотарга, куркынычсыз маршрутны ничек дөрес сайларга кирәклеге турында әңгәмә булды. Яшьләр юл йөрү кагыйдәләрен белүләрен күрсәтә алдылар.
Моннан тыш, юл билгеләре ясау буенча мастер-класс оештырылды. Чара тематик пазллар җыю белән дәвам итте.
Мондый дәресләр төркемдә катнашучыларга җәмгыятьтә җайлашырга һәм мөстәкыйль булырга ярдәм итә, үз-үзләрен куркынычсыз тоту күнекмәләрен формалаштыра.