ЯҢАЛЫКЛАР
Казанның «Кояшлы» мөмкинлекләре чикләнгән балалар һәм яшүсмерләр өчен тернәкләндерү үзәгендә чираттагы ачык гаилә / ата-аналар көне узды. Чара һөнәри үзбилгеләнү стратегиясенә багышланды һәм гаиләләрдә үз балалары өчен аңлы рәвештә һөнәр сайлауга психологик әзерлек формалаштыруга һәм тернәкләндерү процессында гаиләнең ролен ныгытуга юнәлдерелде.
25 февральдә Лениногорск районының «Исток‑Башлангыч» халыкка социаль хезмәт күрсәтү комплекслы үзәгендә «Дөньяга адым» программасы кысаларында «Һөнәр» темасына чираттагы дәрес узды. Дәреснең максаты һөнәрләр дөньясының күптөрлелеге белән танышу иде.
20 февральдә Менделеевск районының «Кама таңнары» балалар һәм яшүсмерләр өчен социаль приютта тәрбияләнүчеләр һөнәри юнәлеш бирү кысаларында район прокуроры Алсу Сәлахетдинова белән очраштылар. Чара шулай ук балигъ булмаганнар арасында хокук бозуларны профилактикалауга юнәлдерелгән иде.
Аксубай районының «Хыял» балалар һәм яшүсмерләр өчен социаль приютында тәрбияләнүчеләр «Россия эше» кадрлар үзәгендә танышу экскурсиясендә булдылар. Чара тәрбияләнүчеләрнең һөнәрләр дөньясы һәм хезмәт базары турында күзаллауларын киңәйтүгә юнәлдерелгән.
5 февральдә Питрәч районының «Шатлык» балалар һәм яшүсмерләр социаль приютында тәрбияләнүчеләр Казан ветеринария медицинасы академиясендә булдылар. Югары уку йорты укытучылары балалар өчен төрле кафедралар буйлап мавыктыргыч сәяхәт уздырды.
Кичә Татарстан Республикасы Хезмәт, халыкны эш белән тәэмин итү һәм социаль яклау министрлыгында Казанның җиде уку йортыннан 140тан артык укучыны берләштергән «Кешегә кеше кирәк» һөнәри юнәлеш бирү сессиясе узды. Чара «Кадрлар» илкүләм проекты кысаларында узды.
Татарстанда Хәрби батырлык һәм хезмәт фидакарьлеге елы кысаларында Арча районының «Өмет чаткысы» мөмкинлекләре чикләнгән балалар һәм яшүсмерләр өчен тернәкләндерү үзәгенең өлкән төркеме балалары белән дефектолог Инна Нурмиева «Бөек Ватан сугышы елларында хәрби почта хезмәте» дигән танып-белү чарасы үткәрде.
«Кем булырга?» программасын гамәлгә ашыру кысаларында Аксубай районының «Хыял» балалар һәм яшүсмерләр өчен социаль приютында тәрбияләнүчеләр «Мин үскәч кем булырмын?» дигән темага иншалар яздылар.
Балигъ булмаганнар арасында хокук бозуларны кисәтү кысаларында Биектау районының «Өмет» халыкка социаль хезмәт күрсәтү комплекслы үзәге психологы 1 нче социаль участокта яшүсмерләр белән «Уңыш һәм аның өлешләре» дигән тренинг дәресе үткәрде. Дәрестә 22 балигъ булмаган бала катнашты.
Түбән Кама районының «Балкыш» балалар һәм яшүсмерләр социаль приюты яшүсмерләренә волонтерлар белән очрашу нәтиҗәсендә һөнәрләр дөньясы һәм финанс грамоталылыгы нигезләре белән якыннан танышу мөмкинлеге бирелде.