ЯҢАЛЫКЛАР

Казандагы «Кояшлы» мөмкинлекләре чикләнгән балалар һәм яшүсмерләр өчен тернәкләндерү үзәгендә Авыр тормыш хәлендә калган балаларга ярдәм фонды ярдәме белән «Гаилә остаханәсе» проекты өчен заманча җиһазлар сатып алынды.

27 августта Әлмәт районы «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгече һәм психологы «Гаилә» милли проектының «Гаиләгә ярдәм» федераль проекты кысаларында очрашу үткәрделәр. Чарада яшүсмерләр һәм аларның әти-әниләре катнашты.

26 августта Бөгелмәнең «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә гадәти булмаган мастер-класс узды. Социаль педагог Ирина Вдовина мультфильм төшерү буенча иҗади дәрес оештырды.

Саба районында «Кадрлар» илкүләм проекты кысаларында башкарылган ремонттан соң «Россия эше» кадрлар үзәген ачу тантанасы булды. Чарада Татарстан Республикасы хезмәт, халыкны эш белән тәэмин итү һәм социаль яклау министры урынбасары Энҗе Нигъмәтҗанова катнашты.

Спас районындагы өлкәннәр һәм инвалидлар өчен интернат-йортта эчке волонтерлар тәрбияче Ирина Телицына белән Болгар шәһәренең футбол кырында, стадион янында һәм җәяүлеләр өчен башка урыннарда көнкүреш чүп-чарларын җыйдылар. Мондый файдалы санитар чистарту нәтиҗәсендә каты калдыклар белән тугыз пакет җыйдылар.

27 августта Лениногорскида «Исток-Башлангыч» халыкка социаль хезмәт күрсәтү комплекслы үзәге социаль педагогы Ләйсән Хәйруллина балигъ булмаган социаль хезмәт алучылар белән «Терроризмга юк!» акциясе уздырдылар. Аның максаты – террорчылык проблемасы турында хәбәрдарлыкны арттыру, террорчылыкка тискәре мөнәсәбәт формалаштыру.

Аксубай районының «Хыял» балалар һәм яшүсмерләр өчен социаль приютында «Юл хәрәкәте иминлеге» ДБУнең профилактика бүлеге җитәкчесе Гөлфия Гыймалтдинова оештырган чара булды.

Бөгелмә районының «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә белгечләр, тәрбияләнүчеләр һәм аларның ата-аналары битараф булмаган волонтерлар белән көрәшчеләргә ярдәм күрсәтү өчен көчләрен берләштерделәр. Бу игелекле эшнең нәтиҗәсе – окоп шәмнәре ясау.

Ачык гаилә / ата-аналар көннәре кысаларында 26 августта республиканың барлык тернәкләндерү үзәкләрендә ата-аналар бергәлеге белән очрашулар булды.

Югары Ослан өлкәннәр һәм инвалидлар интернат-йортында хәрәкәтчән уеннар белән шөгыльләнәләр. Социаль хезмәтләр алучылар, белгечләр җитәкчелегендә, музыкаль озату астында, аякларын, кулларын, иңбашларын, муенын һәм башын төрлечә хәрәкәтләндерәләр.