Казанда көндезге тору бүлегендә хезмәт остаханәсе эше дәвам итә
Казандагы халыкка социаль хезмәт күрсәтү комплекслы үзәгенең көндезге тору бүлегендә менталь тайпылышлары булган кешеләр хезмәт остаханәсе кысаларында фанерадан эшләнмәләр ясауларын дәвам итәләр. Волонтерлар ярдәме белән бүлекчәдә фанераны лазер белән кисү станогы бар.
Социаль хезмәтләр алучылар эшләнмәләрне җыюда, аларны ныгытуда һәм бизәүдә актив катнашалар.
Хезмәт остаханәсендә дәресләр фанерадан эшләнмәләрне әзерләү этаплары һәм алардан файдалану турында белемнәр, социаль-хезмәт күнекмәләре, үз-үзеңне тоту культурасы, логик фикерләү, җаваплылык һәм үзконтроль формалаштыруга ярдәм итә. Эшнең иң күңелле нәтиҗәсе – уникаль эшләнмәләр, алар ата-аналар һәм кунаклар өчен бүләк була.
Хезмәт остаханәсе социаль хезмәтләр алучыларга социаль мәшгульлек һәм бик күп кыю һәм иҗади идеяләрне тормышка ашыру өчен яңа мөмкинлекләр бирә. Балалар һәм педагогларның уртак тырышлыгы нәтиҗәсендә бүлекчәдә җимлекләр, шкатулкалар һәм башка әйберләр ясала.