ЯҢАЛЫКЛАР

3 февральдә Лениногорск районының «Исток-Башлангыч» халыкка социаль хезмәт күрсәтү комплекслы үзәгендә «Гаилә кыйммәтләре, бердәмлектә көч» дип исемләнгән эстафета узды. Социаль хезмәтләр алучылар өчен чара «Гаилә» милли проектын гамәлгә ашыру кысаларында үткәрелде.

3 февральдә Әлмәт муниципаль районының социаль яклау идарәсендә балигъ булмаган балалар тәрбияләүче гаиләләр өчен алимент түләтү мәсьәләләре буенча хокукый ярдәм көне узды.

Татарстан Республикасы Хезмәт, халыкны эш белән тәэмин итү һәм социаль яклау министрлыгы дәүләт идарәсе, җирле үзидарә органнары, контроль-күзәтчелек, хокук саклау һәм салым органнары белән берлектә хезмәткәрләрнең хезмәтенә вакытында һәм тулысынча түләү өлешендә хезмәт хокукларын үтәүне тәэмин итү эшен дәвам итә.

3 февраль көнне Биектау районының «Өмет» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгече Ләйсән Галәвиева социаль куркыныч төркеменә кергән балигъ булмаганнар белән профилактик дәрес үткәрде. Чарада 6–8 сыйныфлардан 20 бала катнашты.

2 февраль көнне Бөгелмәнең «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә социаль хезмәт алучыларның законлы вәкилләре өчен практикум узды. Чараның максаты – катнашучыларны белешмә системаларының төп мөмкинлекләре һәм эш принциплары белән таныштыру һәм мәгълүмат эзләү күнекмәләренә өйрәтү.

Казанның Авиатөзелеш районындагы Күп функцияле гаилә үзәгендә «Тылсымлы дөнья» циклы кысаларында «Минем әкият персонажым» дигән төркемле дәрес үткәрелде. Чара борчылуны кисәтүгә, үз-үзеңне бәяләүне коррекцияләүгә, конструктив командалы хезмәттәшлек күнекмәләрен формалаштыруга юнәлдерелгән.

Арча районының «Өмет чаткысы» мөмкинлекләре чикләнгән балалар һәм яшүсмерләр өчен тернәкләндерү үзәгендә гадәти булмаган чара узды. Тәрбияләнүчеләрнең берсенең әнисе Айсылу Әхмәтова ата-аналар һәм өлкән балалар өчен ротангтан кәрзин үрү буенча мастер-класс үткәрде. Сабырлык, җитезлек һәм игътибар таләп итә торган бу сәнгать тернәкләнү процессы өчен бик файдалы, чөнки ул тырышлыкны, сенсориканы, кул моторикасын үстерә һәм гүзәллек хисе тәрбияли.

Бөгелмә районының «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә балаларны дәвалауда һәм тернәкләндерүдә яңа офыклар ачыла. Хәзер яшь пациентлар тернәкләндерү процессының нәтиҗәлелеген сизелерлек арттырачак иң заманча технологияләрдән файдалана алачак.

Лениногорск районының «Исток-Башлангыч» халыкка социаль хезмәт күрсәтү комплекслы үзәгендә «Гаилә остаханәсе – чүлмәкчелек эше» проекты буенча дәресләр дәвам итә. Проект Авыр тормыш хәлендә калган балаларга ярдәм фонды ярдәмендә тормышка ашырыла һәм чүлмәкчелек белән шөгыльләнү аша иҗади күнекмәләрне үстерүгә һәм гаилә мөнәсәбәтләрен ныгытуга юнәлдерелгән.

Татарстан Республикасы Иҗтимагый палатасы, Татарстан Республикасы Хезмәт, халыкны эш белән тәэмин итү һәм социаль яклау министрлыгы 2025 елда министрлыкның гавами формалаштырылган максатларын һәм бурычларын гамәлгә ашыру нәтиҗәләре буенча иҗтимагый фикер алышулар үткәрә.