Лениногорск комплекслы үзәгендә балчыктан кашпо ясаганнар

2026 елның 3 феврале, сишәмбе

Лениногорск районының «Исток-Башлангыч» халыкка социаль хезмәт күрсәтү комплекслы үзәгендә «Гаилә остаханәсе – чүлмәкчелек эше» проекты буенча дәресләр дәвам итә. Проект Авыр тормыш хәлендә калган балаларга ярдәм фонды ярдәмендә тормышка ашырыла һәм чүлмәкчелек белән шөгыльләнү аша иҗади күнекмәләрне үстерүгә һәм гаилә мөнәсәбәтләрен ныгытуга юнәлдерелгән.

Проектның максаты – балалар һәм ата-аналар мөнәсәбәтләрен ныгыту, уртак һөнәр аша иҗади потенциалны ачу. Чираттагы дәрестә катнашучылар бүлмә үсемлекләре өчен балчыктан кашпо ясарга өйрәнделәр.

Проект сәнгатьнең гаиләләрне берләштерүен һәм аларга уникаль хезмәттәшлек тәҗрибәсе бүләк итүен күрсәтә.