ЯҢАЛЫКЛАР
«Урманны саклыйк» Бөтенроссия табигатьне саклау акциясе кысаларында Яшел Үзәннең «Ышаныч» мөмкинлекләре чикле балалар һәм яшүсмерләр өчен тернәкләндерү үзәгенең стационар төркеме тәрбиячеләре балалар белән әңгәмә үткәрделәр.
Алабуга районында «Астра» мөмкинлекләре чикле балалар һәм яшүсмерләр өчен тернәкләндерү үзәгенең көндезге бүлеге балалары өчен профилактик дәрес үткәрелде. «Безнең тирәдә тынычлык» программасы кысаларында балалар белән урамда һәм өйдә иминлек турында сөйләштеләр.
Инвалидлар декадасы алдыннан Татарстан Республикасы Хезмәт, халыкны эш белән тәэмин итү һәм социаль яклау министрлыгы кайнар элемтә эшен оештырды. Татарстан Республикасында инвалидлар, шул исәптән инвалид балалар хокукларын гамәлгә ашыруга кагылышлы мәсьәләләр буенча гражданнарның мөрәҗәгатьләре кабул ителә. Шулай ук татарстанлылар Министрлыкка үз тәкъдимнәрен җибәрә ала.
2023 елның 1–10 декабрендә ел саен үткәрелә торган «Уңайлы мохит» Бөтенроссия тоталь тест акциясе узачак. Чара Халыкара инвалидлар көненә багышланган һәм Россия халкының игътибарын инклюзия, тернәкләндерү, уңайлы мохит һәм инвалидлар хокукларын үтәү темасына җәлеп итүгә юнәлдерелгән.
2023 елның 4 ноябреннән 2024 елның 12 апреленә кадәр Мәскәүдә ВДНХ территориясендә «Россия» Халыкара күргәзмә-форумы узачак. Бу масштаблы чара, анда илнең барлык субъектлары, федераль министрлыклар һәм ведомстволар, эре корпорацияләр һәм иҗтимагый оешмалар катнашачак.
Балаларның иҗади сәләтләрен үстерү һәм туган як турында белемнәрне системалаштыру максатыннан ТР Хезмәт, халыкны эш белән тәэмин итү һәм социаль яклау министрлыгы «Минем Ватаным – Татарстан» балалар рәсемнәре конкурсын үткәрә. Анда Министрлыкка караган гаиләгә һәм балаларга социаль хезмәт күрсәтү учреждениеләренең социаль хезмәт алучылары катнаша ала. Катнашучыларның яше – 6 яшьтән 18 яшькә кадәр.
Өлкән яшьтәге кешеләргә карата мәрхәмәтсез мөгамәләне профилактикалау һәм аңа каршы тору чаралары комплексын гамәлгә ашыру кысаларында 26 октябрьдә Министрлыкның Республика ресурс үзәгендә социаль хезмәт күрсәтү учреждениеләре белгечләре өчен укыту семинары узды.
25 октябрьдә Саба муниципаль районында халыкка социаль хезмәт күрсәтү комплекслы үзәкләре һәм балалар һәм яшүсмерләр өчен социаль приютлар директорлары катнашында «Татарстан Республикасында социаль хезмәт күрсәтүнең актуаль мәсьәләләре. 2023 елның 9 ае эшенә йомгак ясау» темасына семинар-киңәшмә узды.
23–29 октябрьдә Иртә ярдәм турында хәбәрдарлык атналыгы уза. Бу иртә ярдәм, ата-ана кыенлыклары, ярдәм алу мөмкинлекләре турында мәгълүмат таратуга, ата-аналыкның актуаль мәсьәләләре турында фикер алышуга юнәлдерелгән мәгърифәтчелек инициативасы.
Татарстан Республикасы Хезмәт, халыкны эш белән тәэмин итү һәм социаль яклау министрлыгы предприятие һәм оешма хезмәткәрләренең күпсанлы мөрәҗәгатьләренә җавап итеп хәбәр итә.