ЯҢАЛЫКЛАР

"Здравушка" тернәкләндерү үзәгендә "Киң Масленица" бәйрәме узган.

Шушы көннәрдә Азнакай районы халыкны эш белән тәэмин итү үзәге белгечләре елсаен уздырыла торган  "Мәгариф. Карьера" дигән вакантлы эш һәм уку урыннары ярминкәсе үткәргәннәр. Ярминкә Азнакай районының гомуми белем мәктәпләре чыгарылыш сыйныф укучылары өчен оештырылган.

Кичке рейд барышында "Тәтеш балкышы" үзәге директоры Т.Филимонова, гаиләгә һәм балаларга социаль ярдәм бүлекчәсе белгече Н.Мулюкина, Кама Тамагы районы буенча надзор эшчәнлеге  районара бүлеге башлыгы урынбасары, эчке хезмәт лейтенанты Р.Горбунов ведомствоара учетта торучы гаиләләрне тикшергәннәр.

Яшел Үзәннең "Родник" гаиләгә һәм балаларга социаль ярдәм җирле үзәге белгечләре 107 нче һөнәри училищеда  Россиянең бөек полководецлары темасына очрашу уздырганнар. Бу көнне полководец Рокосовский турында сүз барган.

Шушы көннәрдә Норлат районы "Гармония" үзәге карамагындагы Антонида Серова 100 яшьлек юбилеен билгеләп үтәчәк. Белгечләр сүзләренә караганда,  бер гасыр яшәү һәм гомереңнең һәр мизгелен истә тоту, тирә-юньгә соклану, тормышны ярату - Антонида Петровна өчен бу гадәти хәл. Ул әле дә энергия һәм оптимизм тулы.

Менделеевскиның "Кама таңнары" балалар һәм яшүсмерләр өчен  социаль приютында "Без - булачак  Ватанны  саклаучылар" дигән чара узган.

Шушы көннәрдә Чирмешән районы "Доброе сердце" халыкка социаль хезмәт күрсәтү компекслы  үзәге белгечләре Ватанны саклаучылар көненә багышланган спорт чарасы уздырганнар.

Бөгелмәнең "Ялкын" социаль приютында "Масленица" бәйрәмен гадәттәгечә бәйрәм иткәннәр. Атна дәвамында тәрбиячеләр балаларга бу темага шигырь, такмаклар өйрәткәннәр.

18 нче февральдә ТР Студентлар лигасы активистлары акыл үсешендә тайпылышлары булган балалар өчен  мәктәп-интернатта дәресләр уздырганнар. 

ТР Хезмәт, халыкны эш белән тәэмин итү һәм социаль яклау министрлыгы  хезмәткәрләрнең эштән китүен, оешмалардан азат ителүен атна саен күзәтеп тора. Мониторинг РФ Хезмәт һәм социаль яклау министрлыгының 2014 нче елның 30 нчы декабреннән 1207 нче әмере нигезендә башкарыла. Аның исеме болай яңгырый: "Оешма ликвидацияләнү, хезмәткәрләр саны яки штат кыскару һәм  тулы булмаган мәшгульлек аркасында  хезмәткәрләрнең эштән азат ителүенә мониторинг үткәрү".