ЯҢАЛЫКЛАР
Өлкән яшьтәге гражданнарның гомер озынлыгын арттыруга һәм аларның тормыш сыйфатын яхшыртуга юнәлдерелгән «Демография» милли проектының «Өлкән буын» федераль проектын гамәлгә ашыру кысаларында Арча районының «Шәфкать үзәге» халыкка социаль хезмәт күрсәтү комплекслы үзәгендә социаль хезмәт алучылар белән эшләүдә гражданнарның физик һәм психологик сәламәтлеген саклауга ярдәм итүче төрле технологияләр кулланыла.
2023 елның 1–10 декабрендә ел саен үткәрелә торган «Уңайлы мохит» Бөтенроссия тоталь тест акциясе узачак. Чара Халыкара инвалидлар көненә багышланган һәм Россия халкының игътибарын инклюзия, тернәкләндерү, уңайлы мохит һәм инвалидлар хокукларын үтәү темасына җәлеп итүгә юнәлдерелгән.
ТР Хезмәт, халыкны эш белән белән тәэмин итү һәм социаль яклау министрлыгы дәүләт һәм җирле үзидарә органнары, контроль-күзәтчелек, хокук саклау, салым органнары белән берлектәге эшчәнлеген дәвам итә. Бу хезмәттәшлек эш кешеләренең хезмәт хокукларын саклауны, атап әйткәндә, тулы хезмәт хакын үз вакытында бирдертүдән гыйбарәт.
Бүген Татарстан Республикасы хезмәт, халыкны эш белән тәэмин итү һәм социаль яклау министры урынбасары Юлия Абдреева эксперт сыйфатында «Тормышның беренче өч елында балаларның психик сәламәтлеге һәм үсеше бозылуларын профилактикалау» темасына түгәрәк өстәлдә катнашты. Чара V Иртә ярдәм турында хәбәрдарлык атналыгы кысаларында оештырылган.
20 октябрьдә Казанның Яңа Савин һәм Авиатөзелеш районнары администрациясендә уңайлы мохит буенча чираттагы семинар узды. Бу юлы кунаклар һәм спикерлар булып «Игелекле Казан» коммерциячел булмаган автоном оешмасы вәкилләре һәм Республика сукырларны һәм начар күрүчеләрне социаль тернәкләндерү үзәге психологы Екатерина Краснова чыгыш ясадылар.
2023 елда 4, 5 һәм 6 ноябрь ял көннәре булачак. 3 ноябрь – кыска эш көне.
Әлмәт районында авыл җирлегендә яшәүче 65 яшьлек һәм аннан өлкәнрәк гражданнарны район медицина учреждениесенә китерү дәвам итә. Бу «Опека» халыкка социаль хезмәт күрсәтү комплекслы үзәгенең автотранспортында башкарыла.
Социаль хезмәт күрсәтүләрнең сыйфатын һәм вакытында күрсәтелүен контрольдә тоту чараларын гамәлгә ашыру кысаларында Әлмәт районындагы «Опека» халыкка социаль хезмәт күрсәтү комплекслы үзәгенең өй бүлеге белгечләре социаль хезмәткәрләрне тикшерүне дәвам итәләр.
Инвалидлар декадасы алдыннан Татарстан Республикасы Хезмәт, халыкны эш белән тәэмин итү һәм социаль яклау министрлыгы кайнар элемтә эшен оештырды. Татарстан Республикасында инвалидлар, шул исәптән инвалид балалар хокукларын гамәлгә ашыруга кагылышлы мәсьәләләр буенча гражданнарның мөрәҗәгатьләре кабул ителә. Шулай ук татарстанлылар Министрлыкка үз тәкъдимнәрен җибәрә ала.
Кукмара районында «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә «Бөртектән икмәккә кадәр» дигән чара уздырдылар. Ул Халыкара икмәк көненә багышланган иде.