ЯҢАЛЫКЛАР

Яр Чаллыда «Ышаныч» халыкка социаль хезмәт күрсәтү комплекслы үзәгенең көндезге тору бүлегендә социаль хезмәтләр алучылар тарих-туган якны өйрәнү музеенда булдылар.

Ватанны саклаучылар елы кысаларында Ютазы районының «Гармония» халыкка социаль хезмәт күрсәтү комплекслы үзәге карамагындагылар өчен «Күктәге йолдызлар: Россия патриотлары» дигән танып белү сәгате оештырылды.

21 августта Яр Чаллы шәһәренең «Изгелек» инвалидларны тернәкләндерү үзәгендә «Һәлак булганнар истәлегенә, исәннәр хакына» дигән чара узды. Анда көндезге тору бүлегенең җиде социаль хезмәт алучысы катнашты. Чара Бөек Ватан сугышында Җиңүнең 80 еллыгына багышланган.

Ватанны саклаучылар елына һәм Бөек Ватан сугышында Җиңүнең 80 еллыгына багышланган дәресләр кысаларында Алексеевск районының «Кайгырту» балалар һәм яшүсмерләр өчен социаль приютында Аркадий Филипенконың «Бравые солдаты» җырын сәхнәләштерделәр. Чара музыкаль фольклор аша яшь буынны патриотик тәрбияләүгә юнәлдерелгән.

Биектау районының «Өмет» халыкка социаль хезмәт күрсәтү комплекслы үзәге белгечләре «Буыннар элемтәсе» Бөтенроссия рухи-патриотик, социаль-экологик проекты кысаларында «Алма алмагачтан» хәйрия акциясе үткәрделәр.

Алабуга районындагы «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендә махсус хәрби операциядә катнашучы Тимур Савосин кунакта булды. Ул тәрбияләнүчеләр, ата-аналар һәм хезмәткәрләр белән әңгәмә үткәрде, белемнәре һәм шәхси тәҗрибәсе белән уртаклашты.

«Өйдә көтәләр» иҗтимагый хәрәкәте волонтерлары Алабуга районының «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендәге балалар, аларның ата-аналары һәм тернәкләндерү үзәге хезмәткәрләре өчен маскировка челтәрләре ясау буенча дәресләр үткәрә. Тәҗрибәле осталар маскировка челтәрләрен үрү сәнгатенең нигезләрен күрсәтәләр, дөрес технологияне үтәү кирәклеген аңлаталар.

«Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә тәрбияләнүчеләр Бөгелмәнең битараф булмаган волонтерлары белән берлектә көрәшчеләр өчен хуш исле чәй әзерләде. Бу инициатива җәмгыятьнең уртак максат өчен берләшүенең тагын бер ачык мисалы булды.

4 августта Түбән Кама халкы «Түбән Кама – без бергә!» телемарафонында катнашты. Чараны НТР-24 телеканалы оештырды, ул һәркемгә хәрбиләргә ярдәм итүгә үз өлешен кертергә мөмкинлек бирде.

Ютазы районының «Гармония» халыкка социаль хезмәт күрсәтү комплекслы үзәге карамагындагы балалар ял итә торган ишегалды лагеренда махсус операция сугышчылары өчен коры паеклар ясау буенча гадәти булмаган мастер-класс узды.