Татарстан Республикасы Ватан сугышчылары гаиләләре комитеты өч еллык юбилеен билгеләп үтте
Бәйрәм алдыннан «Игелекле эшләр марафоны» булды. Активистлар Казанның 7 нче шәһәр хастаханәсе каршындагы хәрби госпиталендә яраланган сугышчылар янына бардылар, Әлмәттә күчмә консультация уздырдылар һәм МХОда катнашучы гаиләләрдәге балаларның үз-үзләрен деструктив тотышын кисәтү буенча түгәрәк өстәлдә фикер алыштылар. Оешманың өч еллык эшенә багышланган тантаналы чара МХО катнашучылары гаиләләре өчен спектакль күрсәтү белән тәмамланды.
Оешма җитәкчесе Ангелина Галимова чарага килгән һәркемгә рәхмәт белдерде. Аның сүзләренә караганда, оешма хезмәткәрләре үзләре МХОда катнашучыларның гаилә әгъзалары булып торалар һәм ярдәм сорап мөрәҗәгать итүче гражданнарга максималь ярдәм күрсәтергә омтылалар.
Өч ел эчендә Татарстан Республикасы Ватан сугышчылары гаиләләре комитеты 150 тоннадан артык гуманитар ярдәм җыйган.
Фото авторы: Татарстан Республикасы Ватан сугышчылары гаиләләре комитеты төбәк бүлеге штабы