ЯҢАЛЫКЛАР
Әлмәт муниципаль районының «Опека» халыкка социаль хезмәт күрсәтү комплекслы үзәгендә ЮХИДИ инспекторы белән берлектә «Юл хәрәкәте кагыйдәләрен үтисең икән, син хөрмәткә лаек» дигән профилактик чара уздырдылар.
Алабуганың «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендә тәрбияләнүчеләр «Юлда куркынычсызлык» чарасында катнаштылар.
«Тәтеш балкышы» халыкка социаль хезмәт күрсәтү комплекслы үзәге белгечләре ЮХИДИ хезмәткәре катнашында «Юлларда куркынычсызлык әлифбасы» дигән чара оештырдылар. Ул балалар катнашында юл-транспортта имгәнү очракларын профилактикалауга юнәлдерелгән.
Югары Ослан районының «Өмет утравы» халыкка социаль хезмәт күрсәтү комплекслы үзәге белгечләре Дәүләт автоинспекциясе бүлеге, «Юл хәрәкәте куркынычсызлыгы» ДБУ район профилактика бүлеге белгечләре, «Беренчеләр хәрәкәте» активистлары һәм ЮИД отряды белән берлектә «Имин юл кичү» дигән чара оештырдылар. Чара җәяүлеләр катнашында юлларда авария хәлләрен кисәтү максатында үткәрелде.
Яңа уку елы башында Арча районы «Өмет чаткысы» мөмкинлекләре чикләнгән балалар һәм яшүсмерләр өчен тернәкләндерү үзәгенең социаль педагогы Гүзәлия Вәлиева «Без юл йөрү кагыйдәләрен беләбез» дигән практик дәрес үткәрде. Дәреснең төп максаты балаларның юл йөрү кагыйдәләре һәм юл билгеләре турындагы белемнәрен практикада ныгыту иде.
Алексеевск районының «Кайгырту» балалар һәм яшүсмерләр өчен социаль приютында спорт-сәламәтләндерү тәрбиясе һәм юлларда балаларның җәрәхәтләнүен профилактикалау дәресләре кысаларында «Юл маҗаралары» эстафетасы үткәрелде.
Алабуганың «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендә беренче сыйныф укучылары өчен ел саен үткәрелә торган «Тиздән мәктәпкә» бәйрәме уздырылды. Балалар мәктәп темасына конкурсларда һәм викториналарда катнаштылар, юл хәрәкәте кагыйдәләрен кабатладылар, туган якка мәхәббәт һәм Россия һәм Татарстан символикасы турында сөйләштеләр.
Казан шәһәренең көндезге тору бүлеге карамагындагылар «Имин юллар» тематик чарасында булдылар. «Юл хәрәкәте иминлеге» ДБУ хезмәткәрләре тарафыннан викториналар һәм интерактив уеннар оештырылды. Балалар саклану чараларының төрләре һәм әһәмияте турында белделәр. Иң кыюлары велосипедларда һәм самокатларда йөри алдылар.
Шушы көннәрдә Алабуганың «Астра» сәламәтлек мөмкинлекләре чикләнгән балалар һәм яшүсмерләр өчен тернәкләндерү үзәгендә тәрбияләнүчеләр юл хәрәкәте кагыйдәләре иленә мавыктыргыч сәяхәткә киттеләр. Балалар уеннарда, эстафеталарда, викториналарда катнаштылар, шулай итеп юл хәрәкәте кагыйдәләрен, светофор сигналларын һәм машина юлында үз-үзеңне тоту кагыйдәләрен белүләрен ныгыттылар.
Бүген Яр Чаллы шәһәренең «Изгелек» инвалидларны тернәкләндерү үзәгендә социаль хезмәтләр алучылар «Җәяүле – юл хәрәкәтендә актив катнашучы» дигән чарада булдылар.