Әлмәттә Күп функцияле гаилә үзәгендә профилактик дәрес үткәрелде

2026 елның 2 феврале, дүшәмбе

Әлмәт районының Күп функцияле гаилә үзәге белгечләре «Заря» яшьләр (яшүсмерләр) клубы базасында юлларда куркынычсызлыкка багышланган чара үткәрделәр.

Яшүсмерләр клублары һәм Күп функцияле гаилә үзәге участок системасының бердәм кысаларында эшләве сәбәпле, социаль хезмәт алучылар да, клуб активистлары да җыелды. Чыгыш ясаучылар сыйфатында юл хәрәкәте иминлеге дәүләт инспекциясе хезмәткәрләре чакырылды.

Чара барышында балалар юл куркынычсызлыгының төп кагыйдәләре турында мәгълүмат алдылар. Алар игътибар белән тыңладылар, фикерләре белән уртаклаштылар һәм сорауларга җавап бирделәр.