Минзәләлеләр тарихи паркта булдылар

2022 елның 15 сентябре, пәнҗешәмбе

Бүген Минзәлә өлкәннәр һәм инвалидлар өчен интернат-йорттан социаль хезмәт алучылар Казанның «Россия – минем тарихым» тарихи паркында экскурсиядә булып кайтканнар.

Экскурсиядә өлкәннәр һәм инвалидлар яңа информацион технологияләр белән танышты, алар ярдәмендә Россиянең бай тарихын, мәдәниятен һәм гореф-гадәтләрен өйрәнде.

Паркта Татарстан Республикасы тарихы да тәкъдим ителгән: беренче төрки дәүләт оешмаларыннан алып бүгенге көнгә кадәр.

Социаль хезмәт алучылар илнең үткәненә мавыктыргыч сәяхәт ясадылар һәм иң мөһим тарихи вакыйгаларның шаһиты булдылар.