«Туган як осталары» конкурс-фестивалендә катнашыр өчен гаризалар кабул ителә
Август-сентябрь айларында Татарстан Республикасы Хезмәт, халыкны эш белән тәэмин итү һәм социаль яклау министрлыгы өлкәннәр һәм инвалидлар өчен интернат-йортларында хезмәтләр алучылар арасында республика конкурс-фестивале оештыра.
«Туган як осталары» конкурс-фестивале интернат-йортларда тәрбияләнүчеләрнең иҗади активлыгын стимуллаштыру, шулай ук өлкән буынның һөнәри осталыгын, тәҗрибәсен һәм күнекмәләрен өйрәнү һәм тарату өчен үткәрелә.
«Туган як осталары» конкурс-фестивале өлкән яшьтәге татарстанлыларны актив эшчәнлеккә һәм аралашуга этәрергә тиеш, бу, билгеле булганча, аларның психоэмоциональ халәтендә уңай чагылыш таба һәм тормыш сыйфатын яхшырта.
Конкурс «Декоратив-гамәли иҗат», «Нәфис сүз» һәм «Кулинария осталыгы» номинацияләре буенча үткәрелә.
Конкурста катнашу өчен гариза белән бергә мәҗбүри рәвештә видеоролик җибәрелә.
Конкурста катнашу өчен гаризалар һәм видеороликлар rrc.org@bk.ru электрон почтасына яки 420107, Казан ш., Петербург ур., 40 адресы буенча җибәрелергә мөмкин.
Гаризалар 2022 елның 15 августыннан 5 сентябренә кадәр кабул ителә.