Зәй районында «Аеклык ноктасы» проектын тормышка ашыру уңышлары
Менә инде берничә ел рәттән Зәй муниципаль районы «Аеклык ноктасы» дигән алкогольле бәйлелек белән пациентларны дәвалау буенча комплекслы республика проектын тормышка ашыруда катнаша. Проект ата-ана хокукыннан мәхрүм итүгә, балигъ булмаган балаларның һәм аларның ата-аналарының тормыш сыйфатын күтәрүгә юнәлдерелгән.
Ел саен максатчан төркемгә, гадәттә, алкогольле бәйлелектән дәвалауга мохтаҗ 2-3 хатын-кыз һәм аларның гаиләләре керә. Кагыйдә буларак, бу гаиләләр ведомствоара социаль патронажда торалар. Ведомствоара учетта торучы гаиләләрнең күбесе социаль куркыныч факторларын үз эченә алганлыктан, алар белән эшләүдә ведомствоара төркем белгечләре беренче чиратта түбәндәге бурычларны билгелиләр:
- ата-аналарны алкогольле бәйлелектән дәвалауда булышлык күрсәтү;
- эшкә урнашу;
- коммуналь түләүләр буенча бурычларны түләүдә ярдәм итү;
- бурычларны реструктуризацияләү турында килешү төзү;
- социаль ярдәм чараларын һәм дәүләт тарафыннан гарантияләнгән барлык түләүләрне рәсмиләштерү;
- социаль контракт кысаларында дәүләт ярдәме күрсәтү;
- балигъ булмаганнарның яшәү өчен кирәкле торак-көнкүреш шартлары тудыру һ. б.
2021 елда Зәй районында «Аеклык ноктасы» проекты кысаларында ике тулы булмаган гаилә тернәкләнү узды. Һәр гаилә өчен аны социаль куркыныч хәлдән чыгару буенча юл картасы төзелде. Патронлаштыру кысаларында эшче төркем каралган барлык чараларны да башкарды.
Проектны тормышка ашыруның мәҗбүри шартларының берсе – наркология диспансеры базасында ата-аналарны реабилитацияләү, медикаментоз дәвалау, психологик һәм психотерапевтик ярдәм алу. Мәсәлән, патронат һәм проектта катнашу чорында катнашучыларның берсе медикаментоз дәвалауны һәм Түбән Кама наркология диспансерында клиник-психологик ярдәмне алды, эшкә урнашты. Элек районның профилактика системасы хезмәтләре тарафыннан социаль приютка урнаштырылган балигъ булмаган балалар өйләренә кайтып, мәктәпкә укырга керештеләр. Кызлар түгәрәкләрдә һәм өстәмә белем бирү секцияләрендә шөгыльләнә. Гаилә социаль һәм тернәкләндерү хезмәтләре комплексы алды. «Шатлык» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре социаль ярдәм оештырганнар, гаилә социаль контракт нигезендә дәүләт ярдәме алды, хәйрия чаралары хисабына гаиләгә ярдәм күрсәтелде. Шулай ук «Космос» кинотеатрында фильмнарны бушлай карауны оештыруда ярдәм күрсәтелде, азык-төлек җыелмасы, балаларны сәламәтләндерү лагерында шифаханә-сәламәтләндерү дәваландыру һ.б. оештырылды.
Моннан тыш, патронат вакытында ведомствоара эшче төркем тарафыннан балаларны тәрбияләү, янгын куркынычсызлыгы чараларын үтәү, ата-ананың хокуклары һәм бурычлары, балаларның яшәү һәм үсеше өчен шартлар тудыру, хезмәт һәм ял режимы, кызыксынулар һәм мавыгулар буенча ата-аналар бурычларының тиешенчә үтәлеше турында әңгәмәләр үткәрелде. Социаль хезмәтләр күрсәтүнең индивидуаль программасы кысаларында «Шатлык» үзәге белгечләре психиагностик һәм коррекцион эш алып бардылар. Гаилә социаль-анимацион һәм мәгълүмати-танып-белү чараларында, сенсор бүлмәләрендә дәресләрдә булды.
Бүгенге көндә гаиләдә барысы да әйбәт һәм тыныч, балалар-ата-аналар мөнәсәбәтләре җайга салынган.