ЯҢАЛЫКЛАР

Бүген Лениногорск районының «Исток-Башлангыч» халыкка социаль хезмәт күрсәтү комплекслы үзәгендә өлкәннәр һәм балигъ булмаганнар өчен «Террорчылык – җәмгыятькә куркыныч» темасына актуаль чара узды. Чара глобаль куркыныч буларак террорчылык турында күзаллау формалаштыруга юнәлдерелгән.

29 гыйнварда Яр Чаллы шәһәренең «Изгелек» инвалидларны тернәкләндерү үзәгендә «Спорт сәгате» физкультура-сәламәтләндерү чарасы булып узды. Максатлары сәламәт яшәү рәвешен пропагандалау һәм социаль хезмәтләр алучыларның актив ялын оештыру иде.

Түбән Кама районының «Шәфкать» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе психологы Гүзәл Минһаҗева оештырган «Бәхетле гаилә әлифбасы» клубында катнашучылар очрашуы үз-үзеңне танып белүгә һәм гармонияле гаилә мөнәсәбәтләре кору өчен кирәкле шәхес сыйфатларын үстерүгә омтылыш булдыруга юнәлдерелгән иде.

Россия халыклары бердәмлеге елы кысаларында Бөгелмә районының «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә балаларны илнең күпмилләтлелеге һәм төрле халыкларның мәдәнияте белән таныштыру дәресе узды.

Татарстан Республикасында уникаль «Күрше» фестиваленең кышкы сезоны старт алды. Кешеләрне берләштерергә, күршеләрчә мөнәсәбәтләрне үстерергә һәм актив яшәү рәвешен популярлаштырырга тиешле әлеге фестиваль быел аеруча зур әһәмияткә ия булды.

Лениногорск районы «Исток-Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгече Анастасия Туктарова балигъ булмаган балалар өчен «Истә тотсыннар өчен» дигән чара үткәрде. Очрашу Халыкара Холокост корбаннарын искә алу көненә һәм Кызыл армиянең Освенцим лагерен азат итү еллыгына багышланган.

Бүген Татарстан Республикасы Хезмәт, халыкны эш белән тәэмин итү һәм социаль яклау министрлыгында «Кешегә кеше кирәк» дигән һөнәри юнәлеш бирү сессиясе узды. Аның барышында шәһәрнең 7 уку йортыннан 140тан артык укучы социаль өлкәдә карьера перспективаларын ачты.

«Казанькомпрессормаш» АҖ базасында Татарстан Республикасы предприятиеләре һәм сәнәгатьчеләре ассоциациясе Советының киңәйтелгән утырышы узды. Утырышта Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Олег Коробченко, Татарстан Республикасы хезмәт, халыкны эш белән тәэмин итү һәм социаль яклау министры Эльмира Зарипова, шулай ук Татарстан Республикасы предприятиеләр һәм сәнәгатьчеләр ассоциациясе әгъзалары булган предприятиеләр җитәкчеләре катнашты.

Арчаның өлкәннәр һәм инвалидлар интернат-йортында ветераннар арасында «Балкыш» («Сияние») үзешчән башкаручыларның республика фестиваленең район этабына күчмә сайлап алу туры узды. Быел конкурс Россия халыкларының бердәмлеге елына һәм Татарстан Республикасында Хәрби батырлык һәм хезмәт фидакарьлеге елына багышланган.

Минзәлә районы халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре күпбалалы гаиләләрне карап йөрү кысаларында Иске Маҗын авыл җирлегендә яшәүче гаиләләрне карап чыктылар. Чараның максаты – балигъ булмаганнарның яшәү шартларын өйрәнү, янгын куркынычсызлыгы кагыйдәләренең үтәлешен контрольдә тоту, социаль ташламалар турында мәгълүмат бирү.