ЯҢАЛЫКЛАР

«Экологик тәрбия» белем бирү модулен гамәлгә ашыру кысаларында 14 февральдә Алексеевск районындагы балалар һәм яшүсмерләр өчен «Кайгырту» социаль приютында кар һәм бозның үзенчәлекләрен практик тикшерү рәвешендә дәрес үткәрелде. Чараның максаты тәрбияләнүчеләрдә кышкы чорда суның физик үзлекләрен өйрәнүгә кызыксыну уяту иде.

14 февраль көнне Бөгелмә районында «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәге хезмәткәрләре гаиләләре белән «Татарстан чаңгы юлы – 2026» чарасында актив катнаштылар.

Теләче районының «Чишмә» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгече Әлфинә Фәхриева социаль хезмәт алучылар белән көндезге тору төркемендә өстәл уеннарыннан файдаланып дәрес үткәрде.

14 февральдә Менделеевск районында, бөтен илдәге кебек үк, масштаблы кышкы спорт ярышлары – «Россия чаңгы юллары–2026» узды. Чара ел саен «Россия спорты» дәүләт программасын гамәлгә ашыру кысаларында уза.

Минзәлә районы халыкка социаль хезмәт күрсәтү комплекслы үзәгенең Бикбау авылындагы социаль хезмәткәрләре социаль хезмәт алучылар белән берлектә Әфган сугышы геройларына багышланган музейда булдылар.

Минзәлә муниципаль районында күпбалалы гаиләләр социаль контракт программасы ярдәмендә үз хыялларын тормышка ашыра алалар. Авыр тормыш хәлендә калган гражданнарның, шулай ук балалы гаиләләрнең керемнәрен арттыруга юнәлдерелгән бу инициатива 2025 елдан «Гаилә» милли проектына интеграцияләнә. Район халкы эш эзләү, шәхси ярдәмче хуҗалыкны үстерү яки үз бизнесын башлап җибәрү өчен финанс ярдәме алырга мөмкин.

13 февраль көнне Яр Чаллы шәһәренең «Изгелек» инвалидларны тернәкләндерү үзәгендә татар шагыйре Муса Җәлилнең тууына 120 ел тулуга багышланган әдәби чара үткәрелде.

Мамадыш районының «Кайгырту» халыкка социаль хезмәт күрсәтү комплекслы үзәге «Гаилә» милли проекты кысаларында 65 яшьтән өлкәнрәк авыл кешеләрен медицина учреждениеләренә илтү эшен яңадан башлап җибәрде.

Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең көндезге тору бүлекчәсендә балта эше остаханәсендә волонтер, тәҗрибәле җитештерү мастеры Камил Сибгатуллин җитәкчелегендә чираттагы дәрес булды.

13 февральдә Зәй районының «Шатлык» халыкка социаль хезмәт күрсәтү комплекслы үзәгендә «Әфганстан – безнең уртак хәтеребез» дигән хәрби-патриотик чара узды. Очрашуның максаты яшь буында бурыч һәм җаваплылык хисе тәрбияләү булды.